புதுடெல்லி:
வரும் 8-ம் தேதி அந்தமான் மற்றும் நிகோபார் தீவுகளில் ‘பாபுக்’ புயல் கரையை கடக்கும் என இந்திய வானிலை ஆராய்ச்சி நிலையம் மஞ்சள் எச்சரிக்கை விடுத்துள்ளது.
இது குறித்து இந்திய வானிலை ஆராய்ச்சி நிலையம் வெளியிட்ட செய்திக் குறிப்பில் கூறியிருப்பதாவது;
தாய்லாந்தில் உள்ள வளைகுடா மற்றும் அதனைச் சுற்றியுள்ள பகுதிகளில் இருந்து உருவாகும் ‘பாபுக்’ புயல் ஜனவரி 8-ம் தேதி அந்தமான் மற்றும் நிகோபார் தீவுகள் மற்றும் அதனைச் சுற்றியுள்ள பகுதிகளில் கரையை கடக்கும்.
இதனையொட்டி, அந்தமான் தீவுகள், கடல் பகுதி மற்றும் வங்கக் கடலின் கிழக்கு மத்திய பகுதி மற்றும் தென்கிழக்கு பகுதிகளில் ஜனவரி 7-ம் தேதி முதல் கடல் சீற்றத்துடன் காணப்படும்.
‘பாபுக்’ புயல் மணிக்கு 10 கிமீ வேகத்தில் நகர்ந்து வந்து கொண்டிருக்கிறது.
இவ்வாறு அந்த செய்திக் குறிப்பில் கூறப்பட்டுள்ளது.