’பிகில்’ படத்துக்கு 60 கோடி ரூபாய் சம்பளம் வாங்கிய விஜய் ‘மாஸ்டர்’ படத்துக்கு 80 கோடி ரூபாய் பெற்றுள்ளதாக வருமான வரித்துறை அதிகாரப்பூர்வமாக தெரிவித்திருந்தது.
விஜயின் அடுத்த படத்தை சன் பிக்சர்ஸ் தயாரிக்க, ஏ.ஆர்.முருகதாஸ் இயக்க உள்ளார்.
விஜய்- முருகதாஸ் கூட்டணியில் உருவாகி பெரும் வெற்றி அடைந்த ‘துப்பாக்கி ‘படத்தின் இரண்டாம் பாகமாக தயாராகும் இந்த படத்தில் நடிக்க விஜய்க்கு 100 கோடி ரூபாய் ஊதியம் அளிக்கப்பட்டுள்ளதாக கூறப்படுகிறது.
விஜய்க்கு ஜோடியாக காஜல் அகர்வால் நடிக்கிறார்.
விஜயுடன் காஜல் ஜோடி சேரும் 4 –வது படம் இது.
இந்த ஜோடி ஏற்கனவே துப்பாக்கி, ஜில்லா, மெர்சல் ஆகிய படங்களில் இணைந்து நடித்திருந்தது.
’இந்தியன் -2’ படத்தில் கமலஹாசனுடன் இணைந்து நடிக்கும் காஜல், பிருந்தா இயக்குநராக அறிமுகமாகும் ‘ஹே சினாமிகா’ படத்தில் கதாநாயகியாக நடிக்க ஒப்பந்தம் செய்யப்பட்டுள்ளார்.