சென்னை திருவேற்காடு கருமாரி அம்மன் திருக்கோயில் குறித்த 30 தகவல்
- கருமாரியம்மன் மூலஸ்தானத்தில் சுயம்பு வடிவில் காட்சி தருகிறாள். அன்னை சாந்த சொரூபத்துடன், பராசக்தி அம்சத்தில் தங்க விமானத்தின் கீழ் அருளாட்சி செய்கிறாள்.
- அன்னைக்குப்பின்புறம் அம்பாள் சிலை ஒன்றுள்ளது. இந்த அம்பிகை அக்னி ஜுவாலையுடன், கைகளில் கத்தி, கபாலம், டமருகம், சூலம் ஏந்தி அமர்ந்திருக்கிறாள்.
- தினமும் காலையில்கோபூஜைநடக்கிறது, மாலை பிரதோஷ வேளையில் அம்பாளுக்குக் குங்கும அர்ச்சனை செய்யப்படுகிறது.
- அம்பாள் சன்னதியில் விளக்கு ஒன்று உள்ளது, இதனை “பதி விளக்கு’ என்கின்றனர். இந்த விளக்கைச் சுற்றி விநாயகர், முருகன், எதிரெதிரே சூரியன், சந்திரன் இருப்பது விசேஷமான அமைப்பு.
- மயில், நாகம் மற்றும் சிம்ம வாகனங்களும் இருக்கிறது. இதில் சிம்மத்தின் மீது அம்பிகை அமர்ந்திருக்கிறாள். இந்த விளக்கு எப்போதும் எரிந்து கொண்டே இருக்கிறது.
- பக்தர்கள் அம்பிகையையும், இந்த விளக்கையும் தரிசித்தால் குடும்பத்தில் என்றும் குறையில்லாத நிலை இருக்கும் என்பது நம்பிக்கை.
- கோயிலுக்கு வெளியில் “திருச்சாம்பல்பொய்கை” தீர்த்தம் இருக்கிறது. அம்பாள் சன்னதி எதிரில் அழகிய கொடிமரம் உள்ளது.
- பெரும்பாலான மாரியம்மன் தலங்களில் திருவிழாவின் போது, காப்புக்கட்டித்தான் விழா நடத்துவர். இங்கு விழா கொடியேற்றத்துடன் துவங்கி நடக்கிறது.
- பசு சாணத்தில் செய்த சாம்பலையே (திருநீறு) இக்கோயிலில்பிரசாதமாகத்தருகின்றனர்.
- முற்காலத்தில் இப்பகுதியில் நாக புற்று ஒன்று இருந்தது, இதனை மக்கள் வணங்கி வந்தனர். பக்தர் ஒருவரின் கனவில் தோன்றிய அம்பிகை, புற்று இருந்த இடத்தில்தனக்குக்கோயில் கட்டும் படி கூறினாள்.
- பக்தர்கள்இங்குக்கோயில் எழுப்ப, புற்றைப் பெயர்த்தனர். அப்போது புற்றின் அடியில் அம்பிகை, சுயம்பு வடிவில் எழுந்தருளியிருந்தாள்.
- புற்றிற்குள் இருந்த நாகம், கோயில் கட்டும் போது அனைவரின் கண் முன்பாக வெளியேறியது.
- இந்த நாகம் ராஜகோபுரத்திற்கு இடப்புறம் ஒரு மரத்தின் கீழ் தங்கியது இவ்விடத்தில் பெரிய புற்று உள்ளது. நாக தோஷம் உள்ளவர்கள் இப்புற்றில் மஞ்சள், குங்குமம் வைத்து வேண்டிக்கொள்கிறார்கள்.
- புற்றிற்கு அருகில் விநாயகர், நாகர் இருக்கின்றனர். பொதுவாக விநாயகர் வலது கையில் தந்தமும், இடக்கையில் மோதகமும் வைத்திருப்பார். இவர் வலது கையால் ஆசிர்வதித்து, இடது கையை அபய முத்திரையாக வைத்திருப்பது வித்தியாசமான அம்சம்.
- அகத்தியருக்குக்காட்சி தந்த வேறுகன்னி அம்பாள் தனிச் சன்னதியில் காட்சி தருகிறாள்.
- இக்கோயிலில் மரத்தால் செய்யப்பட்ட சிலை வடிவில் கருமாரியம்மனுக்குதனிச்சன்னிதிஇருக்கிறது. அன்னையே “மரச்சிலை அம்மன்” என்றே பக்தர்கள் அழைக்கின்றனர்.
- அன்னையிடம் வேண்டிக் கொண்டால் வீட்டிற்கும், குடும்பத்திற்கும் பாதுகாப்பாக இருப்பாள் என்பது நம்பிக்கை. எனவே அன்னையிடம் வேண்டி அருகிலுள்ள உண்டியலில் பூட்டு வைத்து வழிபடும் வித்தியாசமான வழக்கம் இருக்கிறது.
- பிரகாரத்தில் உற்சவ அம்பாள் ஊஞ்சலில் காட்சி தருகிறாள். அம்பிகை பால ரூபத்தில், சிம்ம வாகனத்துடன் நின்றிருக்கிறாள்.
- சீனிவாசபெருமாள் பத்மாவதி தாயார், ஆஞ்சநேயர், வள்ளி, தெய்வானையுடன் முருகன், தட்சிணாமூர்த்தி, அங்காள பரமேசுவரி, உச்சிஷ்ட கணபதி, காயத்ரி, மகாலட்சுமி, நவக்கிரகம் ராஜராஜேஸ்வரி, சாவித்திரி, துர்க்கை ஆகியோர் தனித்தனி சன்னதிகளில் காட்சி தருகின்றனர்.
- கருமாரியம்மனுக்கு ஐப்பசி பவுர்ணமியில் அன்னாபிஷேகம் நடக்கிறது. அமாவாசையில் இவளுக்கு மிளகாய் வத்தல் யாகம் நடக்கிறது.
- கோயில்களில் திருவிழா அதிகபட்சம் 15 நாட்கள் நடக்கும். அரிதாக சில அம்பாள் கோயில்களில் 48 நாட்கள் வரையில் விழா நடத்துவர். ஆனால், இக்கோயிலில் ஆடி முதல் வாரத்தில் துவங்கும் விழா புரட்டாசி மாதம் வரையில் மொத்தம் 12 வாரங்கள் நடக்கிறது.
- இதில் ஞாயிற்றுக் கிழமைகளில் அம்பிகைக்கு 108 குட அபிஷேகம் நடந்து வீதியுலா செல்கிறாள். 9ம் ஞாயிற்றுக்கிழமையன்று அம்பாள் புஷ்ப பல்லக்கில் புறப்பாடாகிறாள்.
- மாசி மகத்தன்று அம்பாள் வங்காளவிரிகுடாகடலுக்குச் சென்று தீர்த்த நீராடுகிறாள். நவராத்திரி விழா. தை மாதம் பிரம்மோற்சவம், ஆடி மற்றும் புரட்டாசியில் பெரிய திருவிழா நடைபெறுகிறது.
- அம்பிகைக்குப்பாலபிஷேகம் செய்தும், அக்னி சட்டி எடுத்தும், அங்க பிரதட்சணம் செய்தும் நேர்த்திக்கடன் செலுத்துகின்றனர்.
- தேவிகருமாரியம்மனைக்குல தெய்வமாக வழிபடுபவர்கள் இங்கும் வழிபட வேண்டும் என்பது ஐதீகம்.
- தல விருட்சம்கருவேல மரம், தீர்த்தம் வேலாயுத தீர்த்தம்,காமீகம் முறைப்படி பூஜை செய்கின்றனர்.
- அருகில்வேதபுரிஸ்வரர்திருக்கோயில், மாங்காடு காமாட்சி அம்மன் திருக்கோயில் உள்ளது.
- வைகாசி மாதம்சீனிவாசபெருமாளுக்குக் கருட சேவை சாதிக்கிறார்.
- அம்பிகைதானாகத்தோன்றியதால் இவளுக்கு, “கருவில் இல்லாத கருமாரி’ என்ற பெயரும் உண்டு.
- ஆலய முகவரி அருள்மிகு தேவி கருமாரியம்மன் திருக்கோயில், திருவேற்காடு -600 077, சென்னை. திருவள்ளூர் மாவட்டம்