அதிமுக செயற்குழுவில்  14 தீர்மானங்கள் நிறைவேற்றப்பட்டன

மீபத்தில் நடந்த சட்டமன்ற தேர்தலில் தேர்தலில் வெற்றி பெற்று ஆட்சி அமைத்தபின் அதிமுக செயற்குழு கூட்டம் முதன் முறையாக இன்று கூடியது.

அவைத்தலைவர் மதுசூதனன் தலைமையில் காலை 11 மணிக்கு இக் கூட்டம் துவங்கியது.

இதில் பொதுச்செயலாளர் ஜெயலலிதா , மாநில, மாவட்ட மற்றும் பல்வேறு அணிகளை சேர்ந்த நிர்வாகிகள் என செயற்குழுவில் அங்கம் வகிக்கும் முந்நூறுக்கும் மேற்பட்ட உறுப்பினர்கள் கலந்துகொண்டனர்.

download

இந்த கூட்டத்தில் 14 தீர்மானங்கள் நிறைவேற்றப்பட்டன. முதல்வரை வாழ்த்தி 9 தீர்மானங்களும், ஆர்.கே.நகர், தமிழக மக்களுக்கு நன்றி தெரிவித்து 2 தீர்மானங்களும்  காவிரி மேலாண்மை வாரியம் அமைக்க வேண்டும், விவசாயிகள் வரட்சியில் வாடுவதை தடுக்க தென்னக நதிகளை இணைக்க வேண்டும், நிலுவையில் உள்ள நிதியை மத்திய அரசு வழங்க வேண்டும் , பொது தேர்தல் போல உள்ளாட்சி தேர்தலிலும் வெற்றி பெற வேண்டும் என்பது உள்ளிட்ட 14 தீர்மானங்கள் நிறைவேற்றப்பட்டன..

இதன் பிறகு,  எதிர்வரும்  உள்ளாட்சி தேர்தல் வியூகம் குறித்து ஆலோசிக்கப்பட்டது.