சென்னையில் காற்றின் மாசு குறைந்துள்ளது – மத்திய மாசு கட்டுப்பாட்டு வாரியம் அறிக்கை

பட்டாசு வெடிக்க உச்சநிதிமன்றம் கடும் கட்டுப்பாடு விதித்துள்ள நிலையில் கடந்த ஆண்டை காட்டிலும் இந்த ஆண்டு சென்னையில் காற்றின் மாசு குறைந்துள்ளதாக இந்திய மாசுக்கட்டுப்பாட்டு வாரியம் தொிவித்துள்ளது.

air-pullution

காற்று மாசு ஏற்படுவதை குறைக்கும் வண்ணம் தீபாவளியன்று பட்டாசு வெடிப்பதற்கு உச்ச நீதிமன்றம் கடும் கட்டுப்பாடு விதித்தது. இந்தியாவில் 2 மணி நேரம் மட்டுமே பட்டாசு வெடிக்க வேண்டும் என்று நீதிமன்றம் உத்தரவிட்டுள்ளது.

அதன்படி காலை 6 மணி முதல் 7 மணி வரையிலும், மாலை 7 மணி முதல் 8 மணி வரையிலும் என இரண்டு மணி நேரம் மட்டுமே பட்டாசு வெடிக்க வேண்டும் என்று தமிழக அரசு கட்டுப்பாடு விதித்தது. இதன் அடிப்படையில் சென்னை உட்பட மாநிலம் முழுவதும் பட்டாசு வெடிக்க கட்டுப்பாடு விதிக்கப்பட்ட நிலையில் அதனை முறையாக அமல்படுத்தும் விதமாக தனிப்படைகள் அமைக்கப்பட்டன.

இந்நிலையில் இந்திய மாசுக்கட்டுப்பாட்டு வாரியம் வெளியிட்டுள்ள அறிக்கையில் சென்னையில் காற்றின் மாசு குறைந்துள்ளதாக தொிவித்துள்ளது. கடந்த ஆண்டு டெல்லிக்கு அடுத்தபடியாக சென்னையில் தான் அதிக காற்று மாசு ஏற்பட்டது என்று தொிவிக்கப்பட்ட நிலையில் இன்று வெளியான அறிக்கையில் மாசு குறைந்துள்ளது மகிழ்ச்சியை அளித்துள்ளது.