2000படுக்கைகள் கொண்ட கொரோனா வார்டாக மாறுகிறது அண்ணா பல்கலைக்கழகம்…

சென்னை, 
ண்ணா பல்கலைக்கழக  ஆடிட்டோரியம் மற்றும் விடுதிகள்,  2000 படுக்கைகொண்ட கொரோனா வார்டாக மாற்றப்பட உள்ளது. அதற்கான பணிகள் நடைபெற்று வருகின்றன. முதலில் விடுதிகளை ஒப்படைக்க விரும்பாத  பல்கலைக்கழக நிர்வாகம், மாநகராட்சி அதிகாரிகளின் பேச்சுவார்த்தைக் குப் பிறகு, ஒப்படைப்பதாக அறிவித்து உள்ளது.
தமிழகத்தில் கொரோனா தொற்று தீவிரமடைந்துள்ள நிலையில், சென்னையில் கொரோனா நோய்த்தொற்று பாதிப்பு உச்சத்தில் உள்ளது.  பாதிக்கப்படுபவர்களின் எண்ணிக்கை தினசரி  அதிகரித்துக் கொண்டே செல்கிறது. பாதிக்கப்படுபவர்களை  மருத்துவமனையில் தங்க வைக்க போதிய இடம் வசதி இல்லாத நிலையில், சமூதாய நலக்கூடங்கள், திருமண மண்டபங்கள், பள்ளிக்  கல்லூரிகள் கொரோனா வார்டுகளாக மாற்றப்பட்டு வருகின்றன.
அந்தவகையில், ஏற்கனவே  சென்னை கிண்டியில் உள்ள அண்ணா பல்கலைக்கழக மாணவர் விடுதிகளில் சிலவற்றை தனிமைப்படுத்துபவர்களுக்கான மையமாக மாற்றப்பட்டுள்ளது. அதன் தொடர்ச்சியாக தற்போது ஆராய்ச்சி மாணவர்களின் விடுதியையும் தனிமைப்படுத்தும் மையமாக மாற்றுவதற்கு 20-ந்தேதிக்குள் (நேற்று) அதனை ஒப்படைக்கவேண்டும் என்று மாநகராட்சி கூறியிருந்தது.
ஆனால், அதற்கு பல்கலைக்கழக நிர்வாகம் மறுப்பு தெரிவித்து வந்தது. ஆடிட்டோரியத்தை எடுத்துக் கொள்ளும்படி அறிவுறுத்தியது. மேலும் விடுதி அறைகளில் மாணவர்களின் உடமைகள் இருந்ததால் வழங்க மறுத்துவிட்டது. இது தொடர்பாக மாநகராட்சி அதிகாரிகள், அண்ணா பல்கலைக்கழக அதிகாரிகள் இடையே நடைபெற்று வந்தது. அதையடுத்து, ஜி.சி.சி மாணவர்கள் வந்து தங்களுடைய உடமைகளை அவர்களுடன் எடுத்துச் செல்ல அனுமதித்தால் விடுதி அறைகளை ஒப்படைக்க பல்கலைக்கழகம் ஒப்புக்கொண்டது.  இது தொடர்பாக நடைபெற்று வந்த பேச்சுவார்த்தை  இழுபறி நேற்று முடிவுக்கு வந்தது. மேலும் விடுதிகளை கொரோனா  பராமரிப்பு மையமாக பயன்படுத்த நிறுவனம் ஒப்புக் கொண்டது.

கிண்டியில் உள்ள  அண்ணா பொறியியல் கல்லூரி (சி.இ.ஜி) வளாகத்தில் உள்ள நான்கு விடுதிகளும், ஒரு ஆடிட்டோரியமும் ஜி.வி.சிக்கு ஒப்படைக்கப்படலாம் என்று தகவல்கள் தெரிவிக்கின்றன.

கோவிட் -19 ஐ நிர்வகிக்க தனிமைப்படுத்தப்பட்ட வசதிகளை அமைப்பதற்காக பல்கலைக்கழகம் ஏற்கனவே அதன் அறிவு பூங்கா மற்றும் முதுகலை விடுதிகளில் ஒரு சில வசதிகளை ஜி.சி.சி.க்கு வழங்கியுள்ளது. பல்கலைக்கழகத்தில் நான்கு தொகுதிகளில் சுமார் 15 விடுதிகள் உள்ளன, இதில் இளங்கலை திட்டங்கள் முதல் பிஎச்டி வரை 4,000 மாணவர்கள் உள்ளனர்.

தற்போது இந்த விடுதிகள் மற்றும் ஆடிட்டோரியத்தை சென்னை மாநகராட்சியிடம் பல்கலைக்கழகம் வழங்க உள்ளது.

இங்கு சுமார் 2000 படுக்கைகள் கொண்ட கொரோனா வார்டு ஏற்படுத்தப்படும் என்றும்,  லேசான அறிகுறிகளுடன் கூடிய நோயாளிகளுக்கு வீட்டுக்கு COVID-19 பராமரிப்பு மையங்கள் பயன்படுத்தப்படும் என்று சென்னை மாநகராட்சி தெரிவித்து உள்ளது.