இன்னொரு கதைத் திருட்டு புகார்: இயக்குநர் சசிகுமார் மீது குற்றச்சாட்டு

ர்கார் படத்தின் கதைத்திருட்டு சர்ச்சை கொஞ்சம் ஓய்ந்திருக்கும் நேரத்தல் மேலும் பல திருட்டுப் புகார்கள் கிளம்புகின்றன.

சசிகுமார் இயக்கி பெரும் வெற்றி பெற்ற “சுப்பிரமணியபுரம்” தனது கதை என்கிறார் இயக்குநர் வெற்றி மகாலிங்கம்,  இது குறித்து அவர் தனது முகநூல் பக்கத்தில் எழுதியுள்ளதாவது:

 

வெற்றி மகாலிங்கம்

“தமிழ் திரைத்துறையினருக்கும் நண்பர்களுக்கும் வணக்கம்!

இன்று மிக முக்கியமான நாள் முழு அளவில் வல்லமை பொருந்தி…வியாபாரத்தில் சாதனை படைத்த “சர்கார்” படத்தை எதிர்த்து போராடி ஞாயம் பெற்றிட முயற்சித்த நண்பர் வருண் ராஜேந்திரன் வெற்றிபெற்றுள்ளார்…இதற்கு துணைநின்ற திரு.பாக்கியராஜ் சார் மற்றும் எழுத்தாளர் சக்கத்துக்கும் ,பத்திரிக்கை துறை அனைவருக்கும் நன்றி!!!

சந்துரு பட விளம்பரம்

பல வருடங்கள் முன்பு…
வருண் ராஜேந்திரன் போன்று
திரு சசிக்குமார் தயாரித்து இயக்கிய ‘சுப்பிரமணியபுரம்’ கதை என்னுடையது என்று போராடினேன்…

அந்தக்கதைக்கு நான் வைத்திருந்த பெயர் ‘சந்துரு’ என் உடன் பிறந்த சகோதரனின் பெயர்… ரவுடியிசம் என்பது ஒருவித போதை அந்த போதையில் நட்புக்காக கொலைசெய்வது தாதாவாகுவது என்கிற கோணத்தில்…மதுரை அண்ணா பேருந்துநிலையம்,மதிச்சியம்,
ஆழ்வார்புரம்,எஸ்எம்பி காலனி,
என்.எம்.ஆர்.எஸ்.புரம் பகுதியில் நடந்த உண்மை நிகழ்வுகளை தொகுத்து திரைக்கதை அமைத்து இயக்குநாராகும் முயற்சியில் இருந்தேன்.
வின்னர் ராமச்சந்திரன் தயாரிக்க…நடிகர் ஜெய்(சந்துரு),நடிகர் சூரி(கருவாயன்) நடிகர் விசித்திரன்(அம்பலம்), நடிகர் பூபதி(கொம்ப) பிரதான கதாபாத்திரங்களாக போட்டோஷூட் இசை தேவா,பாடல் சினேகன்,படத்தொகுப்பு சுரேஷ் அர்ஸ்,ஒளிப்பதிவு எஸ்.டி.கண்ணன், கலை ‘டிராஸ்ட்கி’மருது சார் என பிரமாண்டமாக துவங்கியிருந்தது.
பாடல் பதிவுகூட நடந்தது..
நடிகர் கஞ்சா கருப்பு சந்துரு கதையில் ‘பிளாக்’பாண்டி

;சுப்பிரமணியபுரம் விளம்பரம்

என்கிற சிறிய பாத்திரத்தில் நடிப்பதாக இருந்தது.
நடிகர் ஜெய்_க்கு மதுரை பாசை கற்றுக்கொடுக்க தினமும் அலுவலகம் வருவார்.
எனது துரதிஷ்டம் படம் ட்ராப் ஆனது…
அடுத்தடுத்து ஒரு முன்னூறு பேரிடமாவது சொல்லியிருப்பேன்…அதில் இயக்குநர் திரு.பாலா, திரு.ஞானவேல்ராஜா,நடிகர் திரு.சூர்யா,நடிகர் திரு.கார்த்தி…
இந்த சூழலில் நடிகர் சூர்யா இந்தக்கதை பண்ணலாம் என்றதும் மகிழ்ச்சி….
தினமும் அலுவலகம் சென்று ஞானவேல் ராஜா அவர்களை பின்தொடர்ந்தேன்…
ஒளிப்பதிவாளர் திரு.ராம்ஜி அவர்களிடம் கதை சொல்லியபோது…
அவர் ‘சுப்ரமணியபுரம்’பற்றி சொன்னார்.
அதிர்ச்சியில் செய்வதறியாது தவித்தேன்.
என் சந்துரு கதை எழுத்தாளர் சங்கத்தில் பதிவாகியிருந்தது…
புகார் கொடுக்கலாம் என்று நினைத்தபோது உடனிருந்த சிலர் உன்னை பிரச்சனை பன்ற ஆள்னு முத்திரை குத்திடுவங்கன்னும் சிலர் படம் வந்தவுடன் கொடுக்கலாம் என்றார்கள்….

சசிகுமார்

படம் வந்தது….
அது என் கதை என்று சொல்லமுடியாத அளவுக்கு ‘சந்துரு’ கதையின் சாரம்சத்தை எடுத்துக்கொண்டு திரைக்கதையை 1980_க்கு மாற்றி அமைத்திருந்தார். இருந்தும் எழுத்தாளர் சங்கத்தில் புகார் கொடுத்து போராடினேன்…..
ஞாயம் கிடைக்கவேயில்லை….
அதைவிட பஞ்சாயத்து நடந்த தருணத்தில்….
ஒரே தெருவில் ஒரே டிக்கடையில் அடிக்கடி சந்தித்திருந்த என்னை
திரு. சசிகுமார் அவர்கள் இவரை நான் பார்த்ததேயில்லை என்றது அதிர்ச்சியாக
இருந்தது….

வெற்றி மகாலிங்கம் முகநூல் பதிவு

சரி காலம் பதில்சொல்லும் என்ற நம்பிக்கையோடு அடுத்த கதைபண்ணி முயற்சித்தேன் காதலில் தோற்ற சிலர் மீண்டுவர இயலாதது போல எனக்கும் அடுத்து ஒரு வல்லமையான கதை அமையவே இல்லை….
மூன்று படங்களை இயக்கியும் பெரிய வெற்றி கிடைக்கல…..
என்கதையை தழுவி படமெடுத்து வெற்றிபெற்ற திரு. சசிகுமார் அவர்களும் அடுத்த கதைபண்ணி இயக்குநராக வெற்றிபெறவில்லை………
மீண்டு வருவேன்! மீண்டும் வருவேன்!

என்போன்ற ஒருவருக்கு இன்று ஞாயம் கிடைத்த மகிழ்ச்சியில் இதை பகிர்ந்திருக்கிறேன்!
வேறெந்த உள்நோக்கமும் இல்லை!

நன்றி!” – இவ்வாறு வெற்றி மகாலிங்கம் எழுதியுள்ளார்.

Leave a Reply

Your email address will not be published.