ஏப்.21 முதல் பள்ளிகளுக்கு விடுமுறை! அமைச்சர் செங்கோட்டையன்

சென்னை,

மிழகத்தில் ஏப்ரல் 21 முதல் பள்ளிகளுக்கு கோடை விடுமுறை அளிக்கப்படும் என பள்ளிக்கல்வித்துறை அமைச்சர் செங்கோட்டையன் அறிவித்துள்ளார்.

தமிழகத்தில் 10 மற்றும் 12-ம் வகுப்புகளுக்கு ஏற்கனவே தேர்வுகள் முடிவடைந்து விட்டன. ஆனால் தொடக்கப் பள்ளிகளுக்கு ஏப்ரல் 29-ஆம் தேதி வரை தேர்வு நடைபெற இருந்தது.

இந்நிலையில் அதிகமான வெப்பக் காற்று வீசுவது காரணமாக,  ஏப்ரல் 21-ம் தேதி முதல் பள்ளிகளுக்கு விடுமுறை அளிக்கப்படும் என பள்ளிக் கல்வித்துறை அமைச்சர் செங்கோட்டையன் அறிவித்துள்ளார்.

இதன் காரணமாக,  ஏப்ரல் 21 முதல் ஏப்ரல் 29-ஆம் தேதி வரை நடைபெற இருந்த தேர்வுகளை முன்கூட்டியே நடத்த ஏற்பாடு செய்யப்படும் எனவும் அமைச்சர் செங்கோட்டையன் தெரிவித்துள்ளார்.

விடுமுறை நாட்களில் தனியார் பள்ளிகள் சிறப்பு வகுப்புகள் நடத்துவதை தவிர்க்க வேண்டும் எனவும் அவர் கேட்டுக்கொண்டுள்ளார்.