சுஜித் மரண சோகத்தை தொடர்ந்து மேலும் 3 குழந்தைகள் தண்ணீரில் மூழ்கி பலி….

சென்னை:

மிழகத்தில் பெரும் பரபரப்பை ஏற்படுத்திய ஆழ்துளை கிணற்றில் விழுந்த சுஜித் வில்சனின் மரணத்திற்கு, பிறகு மேலும்  மூன்று குழந்தைகள் தண்ணீரில்  சிக்கி  பலியாகி உள்ளனர். இது பெரும் சோகத்தை ஏற்படுத்தி உள்ளது.

சுஜித் மீட்பு பணியை  டிவியில் பார்த்துக்கொண்டிருந்தபோதே,  தூத்துக்குடியில் 2 வயது பெண் குழந்தை வீட்டில் வைக்கப்பட்டிருந்த தண்ணீர் கேனுக்குள் தவறி விழுந்து  பரிதாபமாக உயிரிழந்தது. தூத்துக்குடியில் உள்ள திரேஸ்புரம் கிராமத்தைச் சேர்ந்தவர் லிங்கேஸ்வரன் – நிஷா தம்பதியர். இவர்களின் மகள் 2 வயது ரேவதி சஞ்சனா, கழிவறையில் வைக்கப்பட்டிருந்த தண்ணீர் கேனுக்குள்  விழுந்து உயிரிழந்தார்.  இது பெற்றோரின் கவனக்குறைவால் ஏற்பட்டது.

அதுபோல, கோவில்பட்டியைச் சேர்ந்த எம் ருத்ரான் என்ற சிறுவன் சில நாட்களுக்கு முன்பு விருதுநகருக்கு அருகிலுள்ள ஒண்டிபுலினிகனூரில் உள்ள தனது தாத்தா மணிகண்டனின் வீட்டிற்குச் சென்றிருந்த நிலையில், மழைநீர் சேகரிப்புக்காக தாத்தா மணிகண்டன் தனது வீட்டிற்கு வெளியே தோண்டியிருந்த  மூன்று அடி ஆழக குழியில் விழுந்தான். அதில் மழை காரணமாக தண்ணீர் தேங்கியிருந்தால், அதனுள் விழுந்த சிறுவன் உயிருக்கு போராடிய நிலையில், அவரை மீட்ட குடும்பத்தினர் மருத்துவமனைக்கு கொண்டு சென்றபோது, செல்லும் வழியிலேயே பரிதாபமாக  ருத்ரன் உயிரிழந்தான்.

அதுபோல,   கடலூர் மாவட்டம், பன்ருட்டிக்கு அருகிலுள்ள பண்டாரகோட்டையில், கட்டுமானத்தில் உள்ள ஒரு வீட்டில் தற்செயலாக செப்டிக் தொட்டியில் விழுந்து மூன்று வயது சிறுமி உயிரிழந்தார். பலியானவர் மகாராஜா மற்றும் பிரியாவின் மகள் பாவலவள்ளி என அடையாளம் காணப்பட்டுள்ளார்.

சுஜித் மரணத்தைத் தொடர்ந்து மேலும் சில குழந்தைகள் மரணத்தை தழுவி உள்ளது பெரும் சோகத்தை ஏற்படுத்தியுள்ளது.

You may have missed