பாபர் மசூதி வெற்றிடத்தில் கட்டப்படவில்லை! உச்சநீதி மன்றம் தீர்ப்பில் தகவல்….

டெல்லி:

ராமஜென்ம பூமி விவகாரத்தில், உச்சநீதி மன்ற அரசியல் சாசன அமர்வு இன்று பரபரப்பு தீர்ப்பை வழங்கி வருகிறது.

அயோத்தி சர்ச்சைக்குரிய ராமஜென்ம பூமி தொடர்பான மேல்முறையீடு வழக்கு  உச்ச நீதிமன்ற தலைமை நீதிபதி ரஞ்சன் கோகாய் தலைமையில், நீதிபதிகள் ஷரத் அர்விந்த் பாப்டே, அஷோக் பூஷன், சந்திரசூட் மற்றும் அப்துல் நசீர் ஆகிய 5 நீதிபதிகளை கொண்ட அரசியல் சாசன அமர்வு விசாரணை நடத்தியது. தொடர்ந்து  40 நாட்கள் விசாரணைக்கு பிறகு இன்று வரலாற்று சிறப்புமிக்க தீர்ப்பை வழங்கி உள்ளது.

நீதிபதிகள் இருக்கையில் அமர்ந்ததும்,  தீர்ப்பில் அனைத்து  நீதிபதிகளும் கையெழுத்திட்டனர். அதையடுத்து அனைவரும் அமைதியாக இருக்கும் படி வேண்டிக்கொள்கிறேன் என்று தலைமை நீதிபதி ரஞ்சன் கோகாய் வேண்டுகோள் விடுத்தார். தொடர்ந்து தலைமை நீதிபதி தீர்ப்பை வாசித்தார்.

முதலாவதாக,

இந்திய தலைமை நீதிபதி ரஞ்சன் கோகோய், 1946 ம் ஆண்டு பைசாபாத் நீதிமன்றம் அயோத்திஜட்மென்ட் உத்தரவை எதிர்த்து ஷியா வக்ஃப் வாரியம் தாக்கல் செய்த ஒற்றை விடுப்பு மனுவை (எஸ்.எல்.பி) தள்ளுபடி செய்வதாக அறிவித்தார்.

பாபர் மசூதி மிர் பாக்கியால் கட்டப்பட்டது என்று கூறிய தலைமை நீதிபதி ரஞ்சன் கோகாய்,  நீதிமன்றம் இறையியலின் பகுதிக்கு வருவது பொருத்தமற்றது என்று கூறினார்.

மதசார்பின்மையே அரசியல் அமைப்பின் அடிப்படை. அதன்படியே உச்சநீதி மன்றம் அமைக்கப்பட்டது. ஒரு பிரிவினர் நம்பிக்கையை மற்ற பிரிவினர் மறுக்க முடியாது. இந்த நீதிமன்றம் நம்பிக்கையை ஏற்றுக் கொள்ள வேண்டும் மற்றும் வழிபாட்டாளர்களின் நம்பிக்கையை ஏற்க வேண்டும். நீதிமன்றம் சமநிலையை பாதுகாக்க வேண்டும். அரசியலுக்கு அப்பாற்பட்டு சட்டம் நிலைநாட்டப்பட வேண்டும் என்று கூறினார்.

மசூதியில் 1949ம் ஆண்டு சிலைகள் வைக்கப்பட்டன என்றும், நிரோகி அமைப்பின் மனுவில் ஆதாரங்களை இல்லை என்றும் தெளிவு படுத்தி உள்ளது.

பாபர் மசூதி, வெற்றிடத்தில் கட்டப்படவில்லை என்பதை தொல்லியல்துறை ஆதாரங்கள் நிரூபித்துள்ளன. அதை  புறக்கணிக்க  முடியாது.

அமைதியை காக்கவும், பாதுகாப்பை பராமரிக்கும் வகையிலும் தீர்ப்பை ஏற்றுக்கொள்ள வேண்டும்.

மசூதிக்கு கீழே கண்டறியப்பட்டுள்ள கட்டுமானங்கள், இஸ்லாமியர்களின் கட்டுமானங்கள் அல்ல என்பது தெளிவுபடுத்தப்பட்டு உள்ளது.

அயோத்திதான் ராமர் பிறந்த இடம் என்பதை இந்துக்கள் நம்புகிறார்கள். அதே இடத்தைத்தான் பாபர் மசூதி என்று இஸ்லாமியர்கள் அழைக்கிறார்கள்.

ஆங்கிலேயர்கள் வருவதற்கு முன்பு ராம் சபுத்ரா, சீதா ரசோய் இந்துக்களால் வழிபட்டனர் என்பதற்கான சான்றுகள் உள்ளன. சர்ச்சைக்குரிய நிலத்தின் வெளி நீதிமன்றத்தை இந்துக்கள் வைத்திருந்ததாக பதிவுகளில் உள்ள சான்றுகள் காட்டுகின்றன.

நம்பிக்கையின் அடிப்படையில் தீர்மானிக்க முடியாது, ஆனால் உரிமைகோரல்களில். அயோத்தி என்பது ராமரின் பிறப்பிடம் என்று இந்துக்களின் நம்பிக்கையை வரலாற்று விவரங்கள் குறிப்பிடுகின்றன

தொடர்ந்து தீர்ப்பு வாசிக்கப்பட்டு வருகிறது.

தீர்ப்பின்போது உச்சநீதி மன்ற வளாகத்தில், மூத்த வழக்கறிஞர்கள் கே பராசரன், சி.எஸ். வைத்தியநாதன், ராஜீவ் தவான், சொலிசிட்டர் ஜெனரல் துஷார் மேத்தா மற்றும் பிற வழக்கறிஞர்கள் நீதிமன்ற அறைக்குள் குவிந்திருந்தனர்.

உச்ச நீதிமன்ற வரலாற்றில் அதிக நாட்கள் விசாரணை நடைபெற்ற இரண்டாவது பெரிய வழக்கு என அயோத்தி நிலம் வழக்கு கூறப்படுகிறது. இந்த வழக்கில் விசாரணையின்போது நடைபெற்றது என்ன என்பது குறிப்பிடத்தக்கது.

கார்ட்டூன் கேலரி

இந்த கட்டுரையைப் பற்றி உங்கள் கருத்துகளை பதிவு செய்யவும்


Tags: Ayodhya, Ayodhya Ram Janmabhoomi, AyodhyaJudgment, ayotha case, ayothya case, ayothya verdict, Ram janmabhoomi l, Verdict, பாபர் மசூதி, ராமஜென்ம பூமி
-=-