பீகார் மாநில முன்னாள் பாஜக எம்.பி. உதய்சிங் இன்று காங்கிரஸ் கட்சியில் இணைகிறார்…

பாட்னா:

முன்னாள் பாஜக எம்.பி.யான பப்பு சிங் என்று அழைக்கப்படும் உதய் சிங் கடந்த ஜனவரி மாதம் 18ந்தேதி பாஜகவில் இருந்து விலகினார். கடந்த சில மாதங்களாக அமைதியாக இருந்த பப்பு சிங் இன்று காங்கிரஸ் கட்சியில் சேருகிறார். அவருக்கு பூர்னியா தொகுதி ஒதுக்கப்படும் என்று தெரிகிறது.

இதற்கான ஏற்பாடுகளை  பீகார் காங்கிரஸ் மாநில தலைவர் மோதன் மோகன் ஜா செய்து வந்தார். அதற்கு மத்திய காங்கிரஸ் ஒப்புதல் அளித்துள்ள நிலையில், இன்று  சதாக்கட் ஆஸ்ரமத்தில் பப்பு சிங் காங்கிரஸ் கட்சியில் இணைகிறார்.  பூர்னியா தொகுதியில் அவர் காங்கிரஸ் வேட்பாளராக நிறுத்தப்படுகிறார்.

15 வது நிதி கமிஷனின் தலைவரான என்.கே. சிங் என்ற நந்துபாபுவின் இளைய சகோதரர் உதய் சிங், கடந்த  2004 மற்றும் 2009 ஆகிய ஆண்டுகளில் பூர்னியா  மக்களவை தொகுதியில் பாஜக வேட்பாளராக இரண்டு முறை போட்டியிட்டு வெற்றி பெற்றவர். கடந்த 2014ம் ஆண்டு.  நரேந்திர மோடிக்கு ஆதரவாக வலுவான அலை இருந்த போதிலும், ஜேடி (யு) கட்சியை சேர்ந்த சந்தோஷ் குஷ்வாஹாக்கு 1.16 லட்சம் வாக்குகள் கிடைத்தது.

சமீபத்தில் பிரதமர் மோடியின் நடவடிக்கை சரியில்லை என்று கூறி கட்சியில் இருந்து விலகிய பப்பு சிங், இன்று காங்கிரஸ் கட்சியில் இணைகிறார். அவருக்கு பூர்னியா தொகுதி ஒதுக்கப்படலாம் என்ற தகவல் வெளியாகி உள்ளது.

ஆனால், என்.டி.ஏ. கூட்டணியின் கூட்டணியில், பூர்னியா தொகுதி வேட்பாளராக,கடந்த முறை வெற்றி பெற்ற  குஷ்வாஹாவைத் தக்கவைத்துக் கொள்ள முடிவு செய்த ஜே.டி.யு (யு) க்கு ஒதுக்கப்பட்டுள்ளது..

உதய் சிங்கின் தாய் மாதுரி சிங் காங்கிரஸ் வேட்பாளராக  பூர்னியா தொகுதியில் கடந்த 1980 மற்றும் 1984 ஆகிய ஆண்டுகளில் போட்டியிட்டவர். அதுபோல  உதயத்தின் சகோதரி ஷியாமா சிங் 1999 ஆம் ஆண்டில் ஔரங்காபாத் (பீகார்) மக்களவை தொகுதியில் காங்கிரஸ் வேட்பாளராக வெற்றி பெற்றார்.

காங்கிரஸ் பாரம்பரியத்தில் வளர்ந்த பப்பு சிங் இடையில் சில காலம் பாஜகவுக்கு தாவிய நிலையில், தற்போது மீண்டும் காங்கிரசில் இணைகிறார்.