லக்னோ: அயோத்தி நிகழ்ச்சியில் கலந்து கொள்ளும் பிரதமர் மோடி பற்றி நான் கவலைப்படுகிறேன் என்று பாஜக மூத்த தலைவரான உமாபாரதி கூறி உள்ளார்.
இது குறித்து அவர் கூறுகையில், போபாலில் இருந்து உத்தரபிரதேசத்திற்கு ரயிலில் பயணிப்பதாக கூறியதுடன், பிரதமர் மோடியையும், ஆயிரக்கணக்கான மக்களையும் கோயிலின் இடத்தில் பாதுகாக்க ராமர் கோவில் விழாவில் பங்கேற்கவில்லை, தவிர்க்க முடிவு செய்துள்ளேன் என்றார்.
அயோத்தியாவுக்கு பயணம் செய்வேன், ஆனால் புதன்கிழமை நிகழ்வில் பங்கேற்க போவதில்லை என்று ட்வீட் செய்துள்ளார். நிகழ்வு முடிந்த பிறகுதான் கோயிலின் இடத்திற்கு வருவேன் என்று கூறியுள்ளார். உள்துறை அமைச்சர் அமித் ஷா உள்ளிட்ட பிற தலைவர்கள் கொரோனாவால் பாதிக்கப்பட்டுள்ள நிலையில் பிரமாண்ட விழாவில் கலந்துகொள்பவர்கள் குறித்து தான் கவலைப்படுவதாக உமா பாரதி கூறினார்.
அமித் ஷா மற்றும் பிற பாஜக தலைவர்கள் கொரோனாவுக்கு பாசிடிவ் பற்றி கேள்விப்பட்டபோது, அயோத்தி நிகழ்ச்சியில் கலந்து கொள்பவர்கள் குறிப்பாக பிரதமர் மோடி பற்றி நான் கவலைப்படுகிறேன் என்று அவர் ட்வீட் செய்துள்ளார். மேலும் அவர் “நான் இன்று மாலை போபாலிலிருந்து புறப்படுவேன், நாளை மாலை நான் அயோத்தியை அடையும் வரை நான் தொற்றுநோயால் பாதிக்கப்படலாம். இந்த சூழ்நிலையில், பிரதமர் மோடியும் மற்றவர்களும் இருக்கும் இடத்திலிருந்து நான் விலகி இருப்பேன் என்றார்.