சிட்னி விமான நிலையத்தில் இனவெறி தாக்குதலுக்கு உள்ளான ’ஷில்பா ஷெட்டி’

சிட்னி விமான நிலையத்தில் நடிகை ஷில்பா ஷெட்டி இனவெறி தாக்குதலுக்கு ஆளாக்கப்பட்டது அதிர்ச்சியை ஏற்படுத்தியுள்ளது. விமான நிலையத்தின் பெண் அதிகாரி ஒருவர் ஷில்பாவின் நிறம் குறித்து விமர்சித்ததாக ஷில்பா தனது இன்ஸ்டகிராமில் கூறியுள்ளார்.

shilpa

பாலிவுட் நடிகை ஷில்பா ஷெட்டி சிட்னியில் இருந்து மெல்போர்ன் செல்ல திட்டமிட்டிருந்தார். அதற்காக அவர், சிட்னி விமான நிலையத்தில் காத்திருந்தார். அப்போது அங்கு சோதனையில் ஈடுபட்ட பெண் அதிகாரி ஒருவர் ஷில்பாவை சோதனையிட்டுள்ளார். சோதனையின்போது ஷில்பாவின் நிறத்தை கூறி மோசமாக நடந்துக் கொண்ட அந்த பெண் அதிகாரி, ஷில்பாவின் லக்கேஜ் ஓவர் சைசாக இருப்பதாகக் கூறி தடுத்துள்ளார்.

இதனால், தான் பிடிக்க வேண்டிய மெல்போர்ன் விமானத்தை தவரவிட்டதாக ஷில்பா தனது இன்ஸ்டாகிராம் பக்கத்தில் பதிவிட்டுள்ளார். இது தொடர்பாக உரிய அதிகாரிகளிடம் பேசி அந்த பெண் அதிகாரி மீது நடவடிக்கை எடுக்கப்பட்டதாகவும், இன்னும் வெளிநாடுகளில் இந்தியர்கள் மீதான நிறவெறி தாக்குதல்கள் தொடர்ந்து நடைபெறுவது வருத்தமளிப்பதாகவும் ஷில்பா தெரிவித்துள்ளார்.

ஏற்கனவே ஒருமுறை 2007ம் ஆண்டு லண்டனில் பிரபல தொலைக்காட்சி நிகழ்ச்சியான பிக் பிரதர்ஸ் 5 சீசனில் போட்டியாளராக கலந்துக் கொண்ட ஷில்பா ஷெட்டியை அங்கிருந்த ஹவுஸ்மேட்ஸ் நிறத்தை வைத்து டார்கெட் செய்தது தொலைக்காட்சியில் ஒளிபரப்பானது. ஷில்பா மீது பிக் பிரதர்ஸ் ஷோவில் நடத்தப்பட்ட இனவெறி தாக்குதல் விஸ்வரூபம் எடுக்க ஹவுஸ்மேட்ஸ், ஷில்பாவிடம் மன்னிப்புக் கோரியது குறிப்பிடத்தக்கது.

கார்ட்டூன் கேலரி