சென்னையில் ஜன. 4ம் தேதி தொடங்குகிறது புத்தகக் கண்காட்சி: எடப்பாடி தொடங்கி வைக்கிறார்

சென்னை:

சென்னைவாசிகள் மிகவும் எதிர்பார்க்கும்  சென்னை புத்தக திருவிழா வரும் 4ந்தேதி தொடங்க உள்ளது. இதை தமிழக முதல்வர் எடப்பாடி பழனிச்சாமி தொடங்கி வைக்கிறார்.

(பைல் படம்)

புத்தகப்பிரியர்களின் ஆவலை நிறைவேற்றும் வகையில் ஆண்டுதோறும் சென்னையில் புத்த கண்காட்சி நடைபெற்று வருகிறது. அதன்படி 42வது புத்தக கண்காட்சியும்,  2019ம் ஆண்டின் முதல் புத்தக கண்காட்சியும்  சென்னை நந்தனம் ஒய்எம்சிஏ மைதானத்தில் ஜனவரி 4ந்தேதி தொடங்குகிறது.

புத்தக்கண்காட்சியை 4ந்தேதி மாலை 6 மணி அளவில் தமிழக முதல்வர்   எடப்பாடி பழனிசாமி தொடங்கி வைக்கிறார். அதைத்தொடர்ந்து   ஜனவரி 5ம் தேதி கண்காட்சி வளாகத்தில் தமிழன்னை சிலை திறக்கப்படுகிறது. இதனை அமைச்சர் மாபா பாண்டியராஜன் திறந்து வைக்கிறார்.

இந்த புத்த கண்காட்சியில் சுமார் 12 லட்சம் தலைப்புகளில் 1 கோடிக்கும் அதிகமான புத்தகங் கள் இங்கு விற்பனைக்கு வைக்கப்படவுள்ளன. அனைத்து வகையான புத்தகங்களுக்கும் 10% தள்ளுபடி வழங்கப்படுவதும் குறிப்பிடத்தக்கது.

புத்தக்கண்காட்சி  பிற்பகல் 2 மணி முதல்  இரவு 8.30 மணி வரையிலும், வார இறுதி நாட்களில் காலை 11 மணி முதல் இரவு 9 மணி வரையிலும் நடைபெறும் எனவும் அறிவிக்கப்பட்டுள்ளது.