குறைந்த விலைக்கு ஏலம் கோரிய சீனா நிறுவனத்தை ஒப்பந்தத்தில் இருந்து நீக்க வேண்டுமென பிரதமரிடம் ஆர்ஆர்எஸ் கோரிக்கை…

புது டெல்லி:

டெல்லி- மீரட் திட்டத்தை குறைந்த விலைக்கு ஏலம் கோரிய சீனா நிறுவனத்தை ஒப்பந்தத்தில் இருந்து நீக்க வேண்டுமென பிரதமரிடம் ஆர்ஆர்எஸ் கோரிக்கை விடுத்துள்ளது.

இந்தியா – சீனா நாடுகள் இடையே மோதல் காரணமாக பதட்டமான சூழ்நிலை நிலவி வருகிறது. இந்நிலையில், சீன நிறுவனமான ‘ஷாங்காய் டன்னல் இன்ஜினியரிங் கோ லிமிடெட் (ஸ்டெக்)’ நிறுவனம், டெல்லி-மீரட் ஆர்.ஆர்.டி.எஸ் (பிராந்திய விரைவான போக்குவரத்து அமைப்பு) நிலத்தடி நீளத்தை நிர்மாணிப்பதற்கான ஒப்பந்தத்தில் பங்கேற்று குறைந்த விலைக்கு ஏலம் கோரியுள்ளது.

சீனாவின் நடவடிக்கைகளால், ஏற்பட்ட கோபத்தால், இந்தியர்கள் சீன பொருட்களை புறக்கணிக்க தொடங்கியுள்ளன. இந்நிலையில், இந்தியாவில் மேற்கொள்ளப்பட உள்ள திட்டத்திற்கான ஏலத்தில் பங்கேற்ற சீன நிறுவனம் குறைந்த விலைக்கு ஏலம் கோரியதுடன் ஒப்பந்தத்தை கைப்பற்றியுள்ளது இது பெரும் சர்சையை ஏற்படுத்தியுள்ளது.

இந்நிலையில், ராஷ்டிரிய ஸ்வயம்சேவாக் சங்கத்தின் இணை நிறுவனமான சுதேசி ஜாக்ரான் மன்ச் (எஸ்.ஜே.எம்), சீன நிறுவனம் பெற்றுள்ள ஒப்பந்தத்தை ரத்து செய்ய வேண்டுமென்று, பிரதமர் மோடி தலைமையிலான அரசிடம் கோரிக்கை விடுத்துள்ளது.

கடந்த காலத்தில் சீன எதிர்ப்பு நிலைப்பாட்டை எடுத்திருந்த எஸ்.ஜே.எம், இப்போது சீன நிறுவனத்தின் ஒப்பந்தத்தை ரத்து செய்து, அந்த ஒப்பந்தத்தை இந்திய நிறுவனங்களுக்கு கிடைக்கும்படி செய்ய வேண்டுமென்றும் அரசிடம் கேட்டுக் கொண்டுள்ளது.

அரசாங்கத்தின் ‘ஆத்மனிர்பர் பாரத் அபியான்’ அல்லது தன்னம்பிக்கை பிரச்சாரம் வெற்றிபெற வேண்டுமானால், சீன நிறுவனங்களுக்கு, இதுபோன்ற முக்கியமான திட்டங்களில் போட்டியிட உரிமை மறுக்கப்பட வேண்டும் என்று எஸ்.ஜே.எம் தெரிவித்துள்ளது.

சீன நிறுவனத்தின் முயற்சியை ரத்து செய்யுமாறு எஸ்.ஜே.எம் தேசிய இணை கன்வீனர் அஸ்வானி மகாஜன், மத்திய சாலை போக்குவரத்து மற்றும் நெடுஞ்சாலை அமைச்சர் நிதின் கட்கரிக்கு மனு அளித்துள்ளார்.

இதற்கிடையே முக்கியமான திட்டங்களில் உள்நாட்டு நிறுவனங்களையே ஊக்குவிக்க அமைச்சகம் விரும்புவதாகவும் போக்குவரத்து துறை அமைச்சக வட்டாரங்கள் தெரிவிக்கின்றன.

லடாக்கில் இந்தோ-சீனா நாடுகளிடையேயான மோதல் உச்சத்தில் இருந்த நிலையில், இந்த ஏலம் நடத்தப்பட்டது.

ஜூன் 12 அன்று, ஷாங்காய் டன்னல் இன்ஜினியரிங் கோ லிமிடெட் (எஸ்.டி.இ.சி) டெல்லி-மீரட் ஆர்.ஆர்.டி.எஸ் தாழ்வாரத்தின் ஒரு பகுதியான புதிய அசோக் நகருக்கும் சாஹிபாபாத்துக்கும் இடையில் 5.6 கி.மீ-நிலத்தடி பகுதியை நிர்மாணிப்பதற்கான ஏலத்தில்மிகக் குறைந்த தொகையை செலுத்தி ஒப்பந்தத்தை கைப்பற்றியது.

இந்த திட்டத்தை தேசிய தலைநகர் பிராந்திய போக்குவரத்துக் கழகம் அல்லது என்.சி.ஆர்.டி.சி. கடந்த வாரம் ஐந்து ஏலதாரர்கள் சமர்ப்பித்த ஆன்லைன் நிதி ஏலங்களை தொடங்கியது.

என்.சி.ஆர்.டி.சி படி, நிதி ஏலங்களின் முடிவுகள், 1,126 கோடி ரூபாயை ஏலத் தொகையாக காட்டி, எஸ்.டி.இ.சி எல் -1 ஆக தகுதி பெற்றதாகக் காட்டுகிறது, இந்திய நிறுவனமான லார்சன் அண்ட் டூப்ரோ லிமிடெட் (எல் அண்ட் டி) எல் -2 என பட்டியலிடப்பட்டுள்ளது, இது ரூ. 1,170 கோடி ரூபாயை ஏலத் தொகையாக காட்டியுள்ளது.

சாலை அமைச்சின் வட்டாரங்கள், நிதி ஏலம் நியாயமான மற்றும் பொறுப்புணர்வுடன் நடத்தப்பட்டதாகவும் தெரிவித்துள்ளன.