பெங்களூரு:
பெண் ஊழியர்கள் மட்டுமே தேர்தலை நடத்தும் புதிய முறை கர்நாடகா மாநிலத்தில் அறிமுகப்படுத்தப்பட்டது.
ஏப்ரல் 18-ம் தேதி கர்நாடகாவில் நடந்த 14 மக்களவை தொகுதிகளுக்கான தேர்தலில், 400 வாக்குச் சாவடிகளில் முழுக்க, முழுக்க பெண் ஊழியர்களே தேர்தலை நடத்தும் முறை அமல்படுத்தப்பட்டது.
4 தேர்தல் அதிகாரிகள் உட்பட 10 பேரும் பெண்களே இந்த வாக்குச் சாவடியில் பணி அமர்த்தப்பட்டிருந்தனர்.
‘பிங் பூத்’ என்று பெயரிடப்பட்ட இந்த வாக்குச்சாவடிகளுக்கு ஒரு நுழைவு வாயிலும், 2 வெளியேறும் வாயில்களும் அமைக்கப்பட்டிருந்தன.
14 மக்களவை தொகுதிகளில் 30,164 வாக்குச் சாவடிகள் உள்ளன. இவற்றில் 400 வாக்குச் சாவடிகள் பெண்கள் மட்டுமே தேர்தல் நடத்தும் வாக்குச்சாவடிகளாகும்.
பெண்களுக்கு அதிகாரமளிப்பதும், தேர்தலை நியாயமாகவும், நியாயமாகவும் திறமையாக நடத்தும் தகுதியை பெண்கள் பெறுவதே இந்த பிங் பூத் திட்டத்தின் நோக்கம் என்று கர்நாடக மாநில தலைமை தேர்தல் அதிகாரி சஞ்சீவ் குமார் தெரிவித்தார்.
பெண்கள் மட்டுமே தேர்தல் நடத்திய வாக்குச்சாவடிகளில் ஆண்களும் பெண்களும் உற்சாகமாக வாக்களித்தனர்.