கொரோனா வைரஸ் எதிரொலி: ஏப்ரல், மே மாதத்தில் மகாராஷ்டிராவில் வாகனப் பதிவில் கடும் வீழ்ச்சி

மும்பை: கொரோனா வைரஸ் தாக்கம் எதிரொலியாக, ஏப்ரல், மே மாதத்தில் வாகனப் பதிவில் கடுமையான வீழ்ச்சி ஏற்பட்டுள்ளது.

கொரோனா வைரஸ் பரவல் காரணமாக நாடு முழுவதும் 5ம் கட்ட ஊரடங்கு அமலில் உள்ளது. இந்த ஊரடங்கு வரும் 30ம் தேதி வரை இருக்கும். ஊரடங்கு காரணமாக பல தொழில்கள் ஒட்டு மொத்தமாக முடங்கின.

நாட்டிலேயே அதிகம் தொற்றுகள் பதிவாகி உள்ள மகாராஷ்டிராவில் வாகன முன்பதிவு விற்பனை கடுமையான வீழ்ச்சியை சந்தித்துள்ளது.

கடந்த ஆண்டு இதே காலத்தில் 4 லட்சத்துக்கும் மேற்பட்ட வாகனங்களுடன் ஒப்பிடும்போது 27,278 வாகனங்கள் மட்டுமே பதிவு செய்யப்பட்டுள்ளன. இது கடந்த ஆண்டு இதே காலகட்டத்தில் பதிவு செய்யப்பட்ட மொத்த வாகனங்களில் ஏழு சதவீதத்திற்கும் குறைவாகவே வருகிறது.

வாகன பதிவு தரவுகளின்படி, மகாராஷ்டிராவின் 50 பிராந்திய போக்குவரத்து அலுவலகங்களில் (ஆர்.டி.ஓ) இந்த ஆண்டு ஏப்ரல் மற்றும் மே மாதங்களில் மொத்தம் 27,278 புதிய வாகனங்கள் பதிவு செய்யப்பட்டுள்ளன. கடந்த ஆண்டு இதே காலகட்டத்தில் மாநிலத்தில் 4,01,961 வாகனங்கள் பதிவு செய்யப்பட்டுள்ளன.

கொரோனா தாக்கத்தால் வாகன பதிவு குறைந்து, வரி வருவாயும் குறைந்ததாக மோட்டார் வாகன அதிகாரி ஒருவர் தெரிவித்தார். ஏப்ரல் மற்றும் மே மாதங்களில்,வருவாய் வசூல் ரூ .95.71 கோடியாக இருந்தது, கடந்த ஆண்டு இதே காலத்தில் ரூ .1,339.67 கோடியாக இருந்தது.

3.75 கோடிக்கு மேல் அதிக மக்கள் தொகை கொண்ட மகாராஷ்டிராவில், ஆண்டுக்கு ரூ .8,300 கோடிக்கு மேல் வருவாயானது வரியாக வசூலிக்கப்படுகிறது.  கடந்த இரண்டு மாதங்களில் பதிவு செய்யப்பட்ட பெரும்பாலான வாகனங்கள் மார்ச் மாதத்தில் விற்கப்பட்டதாக ஆர்டிஓ மூத்த அதிகாரி ஒருவர் தெரிவித்தார்.

மேலும், மே மாதத்துடன் ஒப்பிடும்போது இந்த புதிய வாகனங்களில் பெரும்பாலானவை ஏப்ரல் மாதத்தில் பதிவு செய்யப்பட்டன. ஏன் என்றால்,  பிஎஸ்-ஐவி வாகனங்களை பதிவு செய்வதற்கான காலக்கெடுவை உச்ச நீதிமன்றம் ஒரு மாதத்திற்கு நீட்டித்தது.

ஏப்ரல் மாதத்தில், 17,545 இருசக்கர வாகனங்கள், 1,317 நான்கு சக்கர வாகனங்கள் (இலகுரக மோட்டார் வாகனங்கள்) மற்றும் பிற கனரக வாகனங்கள் உட்பட 21,535 புதிய வாகனங்கள் பதிவு செய்யப்பட்டன. ஆனால் மே மாதத்தில், இந்த எண்ணிக்கை 5,743 ஆக குறைந்தது, இதில் 3,045 இருசக்கர வாகனங்கள், 2,597 நான்கு சக்கர வாகனங்கள் மற்றும் கனரக வாகனங்கள் அடங்கும்.

மார்ச் 22ம் தேதி முதல், ஆர்டிஓ அலுவலகங்கள் குறைந்தபட்ச ஊழியர்களுடன் இயங்கி வந்தன. மேலும் வாகனப் பதிவு தவிர பெரும்பாலான பணிகள் நிறுத்தப்பட்டன. ஏப்ரல் மட்டும் மே மாதங்களில்  அதிகபட்ச பதிவு இரு சக்கர வாகனங்கள் (20,590), தொடர்ந்து கார்கள் (3,914) ஆக இருந்துள்ளது.

மொத்தமாக உள்ள 50 ஆர்டிஓ அலுவலகங்களில் புனே ஆர்டிஓவில் கடந்த இரண்டு மாதங்களில் அதிகபட்சமாக 1,792 புதிய வாகனங்கள் பதிவு செய்யப்பட்டுள்ளன. 2,062 இருசக்கர வாகனங்கள் மற்றும் 276 நான்கு சக்கர வாகனங்கள் உட்பட, மும்பையில், 4 ஆர்டிஓ அலுவலகங்கள் 2,822 வாகனங்களை பதிவு செய்துள்ளன.  இப்போது லாக்டவுன் தளர்வால் வாகன பதிவு நடவடிக்கை படிப்படியாக அதிகரிக்கும் என்று போக்குவரத்து அதிகாரி ஒருவர் தெரிவித்தார்.