Random image

சட்டசபைக்குள் நுழைய, முதல்வரும் டாக்டர் சான்றிதழ் கொண்டுவர வேண்டும்

பா.ஜ.க. ஆட்சி நடைபெறும் அரியானா மாநிலத்தில் வரும் 26 ஆம் தேதி மழைக்கால சட்டசபை கூட்டத்தொடர் ஆரம்பமாகிறது.
அன்று சட்டபேரவை வளாகத்தில் நுழைய கடுமையான கட்டுப்பாடுகளை விதித்துள்ளார், பேரவைத்தலைவர் கியான் சந்த் குப்தா.


அதன் விவரங்கள் வருமாறு:

+ முதல்-அமைச்சர் உள்பட அனைவரும், தங்களுக்கு கொரோனா தொற்று இல்லை என டாக்டரிடம் சான்றிதழ் வாங்கி வந்தால் மட்டுமே, பேரவைக்குள் நுழைய அனுமதிக்கப்படுவார்கள்.
+ செய்தியாளர்கள் உள்ளிட்ட அனைவருக்கும் இந்த ஆணை பொருந்தும்.
+ இந்த சான்றிதழ் மூன்று நாட்களுக்குள் டாக்டரிடம் பெற்றதாக இருக்க வேண்டும், மூன்று நாட்களுக்கு முன்பாக பெற்ற சான்றிதழ் செல்லாது.
+ மேட் இன் சீனா’ முத்திரை குத்தப்பட பொருட்களான முகக்கவசம், சானிடைசர், கையுறை, காலணி உறை என எந்த சீன பொருளும் பேரவை வளாகத்தில் அனுமதிக்கப்பட மாட்டாது.
+பார்வையாளர்களுக்கு அனுமதி இல்லை.
+ அமைச்சர்கள், எம்.எல்.ஏ.க்கள் உள்ளிட்ட யாரும் , தங்களுடன் உதவியாளர்களை அழைத்து வரக்கூடாது.+ ஒவ்வொரு எம்.எல்.ஏ. இருக்கையிலும் அவர் வருவதற்கு முன்பாகவே, முகக்கவசம், சானிடைசர், கையுறை ஆகியவை அடங்கிய தொகுப்பு வைக்கப்படும்.
-பா.பாரதி.