Random image

டில்லி அரசு உதவுவதே இல்லை : தங்கப் பதக்க வீராங்கனை குற்றச்சாட்டு

டில்லி

சிய விளையாட்டுப் போட்டியில் தங்கப் பதக்கம் வென்ற மல்யூத்த வீராங்கனை டில்லி அரசு எந்த உதவியும் செய்வதில்லை என முதல்வர் முன்னாலேயே குற்றம் சாட்டி உள்ளார்.

சமீபத்தில் இந்தோநேசியாவில் ஆசிய விளையாட்டுப் போட்டி நடந்தது.   இதில் இந்திய வீரர்களும் வீராங்கனைகளும் கலந்துக் கொண்டுள்ளனர்.  இந்தப் போட்டியில் பெண்கள் மல்யுத்த பிரிவில் டில்லியை சேர்ந்த திவ்யா கரண் கலந்துக் கொண்டு தங்கப்பதக்கம் வென்றுள்ளார்.    டில்லியில் நேற்று திவ்யா கரண் உள்ளிட்ட வீராங்கனைகள் மற்றும் வீரர்களுக்கு பாராட்டு விழா நடைபெற்றது.

இந்த விழாவில் பேசிய திவ்யா கரண் டில்லி முதல்வர் அரவிந்த் கெஜ்ரிவாலிடம் நேரடியாக, “கடந்த கோல்டு டெஸ்டில் நான் தங்கப்பதக்கம் வென்ற போது நீங்கள் என் முன்னேற்றத்துக்கு உதவுவ்தாக வாக்களித்ததோடு சரி,  அதன் பிறகு என் தொலைபேசி அழைப்புக்கு பதில் அளிக்கக் கூட இல்லை.   இப்போது நீங்களே எங்களுக்கு பாராட்டு விழா நடத்துகிறீர்கள்.

இந்த பாராட்டு விழாவை ஏழைக் குழந்தைகள் விளையாட்டுப் போட்டிகளில் எங்களைப் போல் முன்னேற நடத்துவதாக சொல்கிறீர்கள்.  ஆனால் எங்களுக்கு தேவையான நேரத்தில் நீங்கள் எவ்வித ஆதரவும் அளிக்கவில்லை.   சரியான நேரத்தில் உதவி புரிந்தால் மட்டுமே அனைவரும் தங்கப் பதக்கம் வெல்ல முடியும்” என கூறினார்.

இந்த பேச்சு மேடையில் சலசலப்பை ஏற்படுத்தியது.   அடுத்து பேசிய டில்லி முதல்வர் அரவிந்த் கெஜ்ரிவால், “இந்த அரசு செய்ய முயலும் அனைத்து பணிகளுக்கும் தடைகள் உண்டாக்கபடுகிறது என்பதை நீங்கள் பத்திரிகை மூலம் தெரிந்துக் கொள்ள வேண்டும்.  என்னிடம் உங்களைப் போல் பல விளையாட்டு வீரர்கள் குறை சொல்லுகின்றனர்.

அவை யாவும் உண்மையே.  நாங்கள் உருவாக்கும் கொள்கைகள் மற்றும் நல திட்டங்கள் பல உயர்மட்ட அதிகாரிகளால் நிராகரிக்கப் படுவது தொடர்ந்து வருகிறது.   சமீபத்திய உச்ச நீதிமன்ற தீர்ப்பின் காரணமாகவே எங்களால் பாராட்டு விழாவையாவது நடத்த முடிகிறது” என பதில் அளித்தார்.