Random image

ஃபெப்சி தொழிலாளர்களுக்கு இரண்டு லட்சம் நிதியுதவி அளித்த இயக்குநர் பாண்டிராஜ்….!

கொரோனா அச்சுறுத்தலால் இந்தியா முழுக்க மே மூன்றாம் தேதி வரை ஊரடங்கு அமலில் உள்ளது. எந்தவொரு படத்தின் படப்பிடிப்பும் நடைபெறவில்லை.

திரையுலகினரும் உதவ ஃபெப்சி தலைவர் ஆர்.கே.செல்வமணி வேண்டுகோள் விடுத்திருந்தார் . இதனை தொடர்ந்து பெரும்பாலானோர் உதவி புரிந்து வருகின்றனர் .

கடந்த ஏப்ரல் 8-ம் தேதி பத்திரிகையாளர்களைச் சந்தித்த ஆர்.கே.செல்வமணி, 2 கோடியே 45 லட்சம் ரூபாய் நிதி உதவி வந்து உள்ளது. அதுமட்டும் இல்லாமல் 2400 அரிசி மூட்டைகள் நன்கொடையாக வந்துள்ளன.

இன்னும் 9,000 தொழிலாளர்களுக்கு உதவிகள் தேவைப்படுகின்றன. எனவே உதவி செய்யுங்கள் என்று கூறி இருந்தார் செல்வமணி .

இதையடுத்து ஒருசில நடிகர்கள் உதவிக்கரம் நீட்டினர். அந்த வரிசையில் தற்போது இயக்குநர் பாண்டிராஜ் பெஃப்சி தொழிலாளர்களுக்கு ரூ.2 லட்சம் நிதி வழங்கியுள்ளார்.