ஓடிடியில் வெளியாகும் 200 மில்லியன் டாலர் பட்ஜெட்டில் உருவான ‘முலன்’…..!

பெரும்பாலான நாடுகளில் கொரோனா பாதிப்பு குறையாததால் ஊரடங்கு நீட்டிக்கப்பட்டு வருகிறது. இதனால் திரையரங்குகள் திறக்கப்படுவதும் தள்ளிக்கொண்டே போகிறது.

இதனால் ‘டெனெட்’, ‘கான்ஜூரிங் 3’ உள்ளிட்ட பல்வேறு ஹாலிவுட் திரைப்படங்களின் ரிலீஸ் தேதி ஏற்கெனவே ஒத்திவைக்கப்பட்டுள்ளது.

அதேபோல் ஆகஸ்ட் 21-ம் தேதி அன்று வெளியாகவிருந்த ‘முலன்’ திரைப்படத்தைத் தேதி குறிப்பிடாமல் ஒத்திவைத்தது டிஸ்னி நிறுவனம்.

இந்நிலையில் ‘முலன்’ படத்தைப் பார்க்க விரும்புவர்கள் அந்தப் படத்துக்காக மட்டும் ஒரு குறிப்பிட்ட கட்டணத்தைச் செலுத்தி டிஸ்னி + ஓடிடி தளத்தில் பார்த்துக் கொள்ளலாம் என்று டிசனி அறிவித்துள்ளது. அமெரிக்காவில் இதற்கான கட்டணம் 30 டாலர்கள் என்று அறிவிக்கப்பட்டுள்ளது.

இப்படத்தின் பட்ஜெட் 200 மில்லியன் டாலர்கள் என்பது குறிப்பிடத்தக்கது.