திமுக பொதுச்செயலாளர் அன்பழகன் கவலைக்கிடம்?

சென்னை:

திமுக பொதுச்செயலாளர் அன்பழகன் உடல்நிலை கவலைக்கிடமாக உள்ளதாக மருத்துவமனை வட்டார செய்திகள் தெரிவிக்கின்றன. அவர் உடல்நிலை கோமா நிலைக்கு சென்றுவிட்டதாக  கூறப்படுகிறது. இதையடுத்து மாநிலம் முழுவதும் இருந்து திமுக முக்கிய பிரதிநிதிகள் சென்னை நோக்கி விரைகின்றனர்.

தற்போது 97 வயதாகும் திமுக பொதுச்செயலாளர் க.அன்பழகன், வயது முதிர்வு காரணமாக அவ்வப்போது உடல்நலம் பாதிக்கப்பட்டு சிகிச்சை பெற்று வருகிறார். இந்த நிலையில், நேற்று நேற்று இரவு 8.15 மணிக்கு  அவருக்கு திடீரென  மூச்சுத் திணறல் ஏற்பட்டதால், சென்னை கிரிம்ஸ் சாலையில் உள்ள அப்போலோ மருத்துவமனையில் அனுமதிக்கப்பட்டார்.

அங்கு, அவருக்கு தீவிர சிகிச்சை அளிக்கப்பட்டு வருகிறது.

‘இதுகுறித்து தகவ்ல அறிந்த   திமுக தலைவர் மு.க.ஸ்டாலின் மருத்துவமனைக்கு விரைந்து வந்து, அன்பழகனின் உடல்நலம் குறித்து விசாரித்துச் சென்றார். அதைத் தொடர்ந்து திமுக முக்கிய தலைவர்கள் மருத்துவமனை வந்து நலம் விசாரித்து சென்ற வண்ணம் உள்ளனர்.

இதற்கிடையில், அன்பழகனின் உடல்நிலை  கோமா நிலைக்கு சென்றுவிட்டதாகவும், கவலைக்கிடமாக இருப்பதாகவும் தகவல்கள் பரவி வருகின்றன. அதை உறுதிப்படுத்தும் வகையில், மாநிலம் முழுவதும் இருந்து திமுக முக்கிய பிரதிநிதிகள் சென்னை நோக்கி வந்துகொண்டிருப்பதாக தகவல்கள் தெரிவிக்கின்றன….