மருத்துவர்கள், செவிலியர்களுக்கு 25% சலுகை! பிரபல விமான நிறுவனம் அசத்தல் அறிவிப்பு

டெல்லி:
கொரோனா தொற்றுபரவலை கட்டுப்படுத்தும் வகையில் போராடும் மருத்துவர்கள், செவிலியர்களுக்கு விமான பயணத்தின்போது 25% கட்டணச் சலுகை வழங்கப்படும் என பிரபல பயணிகள் விமான போக்குவரத்து நிறுவனமான இன்டிகோ அறிவித்து உள்ளது.
உலகம் முழுவதும் கொரோனா வைரஸ் நாளுக்கு நாள் அதிகரித்து கொன்டே செல்கிறது. இந்த தொற்று பரவலை கட்டுக்குள் கொண்டு வர அணைத்து மருத்துவர்கள் மற்றும் செவிலியர்கள் அனைவரும் தினம் தினம் போராடி வருவதை நாம் பார்க்கிறோம்.
இந்நிலையில், இந்தாண்டு இறுதிவரை மருத்துவர்கள் மற்றும் செவிலியர்களுக்கு 25 சதவீதம் விமான கட்டண சலுகை அளிப்பதாக இண்டிகோ நிறுவனம்  அறிவித்துள்ளது.
கொரோனாவுக்கு எதிராக போராடும் மருத்துவர்கள், செவிலியர்களுக்கு இண்டிகோ கட்டண சலுகை வழங்குவதாக அறிவித்து உள்ளது.
இந்த சலுகையை பெற மருத்துவர்கள், செவிலியர்கள் அங்கீகரிக்கப்பட்ட அட்டையாள அட்டையை சமர்ப்பிக்க வேண்டும் என தெரிவித்து உள்ளது. அதன்படி,  மருத்துவ கவுன்சில் ஆஃப் இந்தியா (எம்.சி.ஐ) அல்லது மருத்துவர்களுக்கான மாநில மருத்துவ கவுன்சில் பதிவு எண் முன்பதிவு நேரத்தில் சமர்ப்பிக்கப்பட வேண்டும் மற்றும் பதிவு சான்றிதழின் அசல் / சுய சான்றளிக்கப்பட்ட நகல் மற்றும் புகைப்பட அடையாள அட்டையுடன் கட்டாயமாக காட்டப்பட வேண்டும்.
அதுபோல செவிலியர்கள்,  இந்திய நர்சிங் கவுன்சில் (ஐ.என்.சி) பதிவு எண் அல்லது செவிலியர்களுக்கான பட்டம் அல்லது டிப்ளோமா சான்றிதழ் எண் முன்பதிவு செய்யும் நேரத்தில் சமர்ப்பிக்கப்பட வேண்டும் மற்றும் புகைப்பட அடையாள அட்டையுடன் ஒரு மருத்துவர் முறையாக சான்றளித்த சான்றிதழின் அசல் சான்றிதழ் அல்லது சான்றிதழ் செக்-இன் நேரத்தில் ஒரு பயணியால் காட்டப்பட வேண்டியது அவசியம்.
மேற்கூறிய ஆவணங்கள் இல்லாத நிலையில், செவிலியர்கள் தங்களை அடையாளம் காணும் கடிதத்தையும் டாக்டர்களின் லெட்டர்ஹெட்டில் ஒரு முத்திரையிடப்பட்ட மற்றும் சான்றளிக்கப்பட்ட புகைப்படத்துடன் ஒரு மருத்துவரால் சான்றளிக்கப்பட்ட கடிதத்தையும் வழங்க முடியும்.
இவ்வாறு கூறப்பட்டு உள்ளது.