நாங்குனேரி:
நாங்குனேரி இடைத்தேர்தலில் போட்டியிடும் அதிமுக வேட்பாளர் நாராயணனுக்கு ஆதரவாக பிரசாரம் மேற்கொண்ட சர்ச்சைப் புகழ் தமிழக பால்வளத்துறைத் அமைச்சர் ராஜேந்திர பாலாஜி, 2021ம் ஆண்டு நடைபெற இருக்கும் தமிழக சட்டமன்ற தேர்தலிலும் எடப்பாடி பழனிச்சாமிதான் முதல்வர் வேட்பாளர் என்று கூறினார்.
நாங்குநேரி இடைத்தேர்தல் வேட்பாளருக்கான பிரச்சாரத்தில் கலந்துகொண்ட அமைச்சர் ராஜேந்திரபாலாஜி செய்தியாளர்களை சந்தித்தார். அப்போது, கடந்த மூன்று ஆண்டுகளில் முதல்வர் அனைத்து மாவட்டங்களுக்கும் விரிவாக விஜயம் செய்து பல வளர்ச்சி பணிகளை ஏற்படுத்தி உள்ளார் என்று கூறினார். தொகுதி மக்களின் விருப்பமான கட்சியாக அதிமுக உள்ளது. அதிமுக அமைச்சர்கள் மீது எந்த இடத்திலும் எந்த விரோதமும் இல்லை, இதை திமுக தலைவர் ஸ்டாலின் புரிந்து கொள்ள வேண்டும், ”என்றார்.
சசிகலா குறித்த கேள்விக்கு பதில் அளித்த அமைச்சர், சொத்து வழக்கில் சிறையில் அடைக்கப்பட்டுள்ள வி.கே.சசிகலாவுக்கு, “முதலமைச்சரும், துணை முதலமைச்சரும் அவரை மீண்டும் கட்சியில் சேர்க்கப்படுவது குறித்து அழைப்பு விடுப்பார்கள், அவர்களின் முடிவு என்னவாக இருந்தாலும் , நான் அதற்கு கட்டுப்படுவேன். என்றவர், 2021ம் ஆண்டு நடைபெற உள்ள சட்டமன்ற தேர்தலில் அதிமுக வெற்றி பெறும் என்றவர், அப்போதும் முதல்வராக எடப்பாடி பழனிச்சாமிதான் வருவார், அவர்தான் அதிமுகவின் முதல்வர் வேட்பாளர் என்று கூறினார்.
அமைச்சர் ராஜேந்திரபாலாஜியின் கருத்துக்கு பதில் தெரிவித்துள்ள அமமுக துணைப்பொதுச்செயலாளர் டிடிவி தினகரன், சசிகலா ஒருபோதும் துரோகிகளில் கூடாரத்தில் சேர வாய்ப்பில்லை. “ஒரு சில துரோகிகளைத் தவிர, மற்றவர்கள் அனைவரும் எங்கள் அணிக்கு வருவார்கள்,” என்று அவர் கூறியிருந்தது குறிப்பிடத்தக்கது.