சென்னை: இறுதியாண்டு, இறுதி செமஸ்டர் தேர்வுகளில் அரியர் வைத்துள்ள மாணவர்களுக்கு 22 ம் தேதி தேர்வு நடைபெறும் என அண்ணா பல்கலைக்கழகம் அறிவித்து உள்ளது.
கொரோனா அச்சுறுத்தலுக்கு மத்தியில் இந்த மாதமே கல்லூரி இறுதித்தேர்வுகளை நடத்தி முடிக்க யுஜிசி அறிவுறுத்தி உள்ளது. அதன்படி தமிழகத்தில், அனைத்து கல்லூரிகளிலும் தேர்வு தேதிகள் அறிவிக்கப்பட்டு, தேர்வை நடத்த தயாராகி வருகின்றனர்.
சென்னை அண்ணா பல்கலைக்கழகம் கீழ் உள்ள பொறியியல் கல்லூரிகளிலும், தேர்வு தேதி அறிவிக்கப்பட்டு உள்ளது. இதையடுத்து, அரியர் மாணவர்களுக்கு வரும் 22 ம் தேதி முதல் தேர்வுகள் நடைபெறும் என்று அண்ணா பல்கலைக்கழகம் அறிவித்துள்ளது.
இறுதி செமஸ்டர் தேர்வுகளில் அரியர் வைத்து ஏப்ரல், மே மாதத்தில் இறுதி செமஸ்டர் எழுதவிருந்த மாணவர்களுக்கும் தேர்வு நடைபெறவுள்ளது. செய்முறை தேர்வுகள் 22-ம் தேதி நடைபெறும் என்றும் எழுத்துத் தேர்வுகள் 24 ம் தேதி நடைபெறும் கூறியுள்ளது.
தேர்வுக்கு விண்ணப்பிக்காத மாணவர்கள் வரும் 15 முதல் 17 வரை விண்ணப்பிக்கலாம் என்று அண்ணா பல்கலைக்கழகம் அறிவித்துள்ளது