”அணு ஆயுதங்களை காட்டி யாரும் மிரட்ட முடியாது”- மோடி எச்சரிக்கை

--

ஐ.என்.எஸ்.அரிஹாந்த் நீர் மூழ்கி கப்பலை நாட்டுக்கு அர்ப்பணிக்கும் நிகழ்வில் பங்கேற்ற மோடி, அணு ஆயுதங்களை காண்பித்து யாரும் மிரட்ட முடியாது என எச்சரிக்கை விடுக்கும் தொணியில் பேசியுள்ளார்.

modi

இந்தியாவில் தயாரிக்கப்பட்ட அணுசக்தியால் இயங்கும் முதல் கப்பல் மற்றும் கடலில் இருந்து ஏவுகணை தாக்குதல் நடத்தும் திறன் படைத்த கப்பல் என பல வகை சிறப்புகளுடன் ஐ.என்.எஸ்.அரிஹாந்த் நீர்மூழ்கி கப்பல் தயாரிக்கப்பட்டுள்ளது. இதன் வெள்ளோட்டம் வெற்றிகரமாக முடிந்ததை அடுத்து, அதனை பிரதமர் மோடி நாட்டுக்கு அர்ப்பணித்தார்.

அப்போது பேசிய பிரதமர் மோடி, ” அரிஹாந்த் இந்தியாவின் வலிமைக்கு சான்றாக விளங்குகிறது. ஐ.என்.எஸ். அரிஹாந்த் 130 கோடி இந்தியர்களைக் காக்கவல்லது. இதனை உருவாக்கி இதற்காக பணியாற்றிய அனைத்து பிரிவினருக்கும் வாழ்த்துகளை தெரிவித்து கொள்கிறேன். ஐ.என்.எஸ்.அரிஹாந்த் அணுசக்கி திறன் கொண்டது.

கடலில் இருந்து கொண்டு எதிரி நாட்டு நகரங்கள் மீது ஏவுகணை தாக்குதல் நடத்தும் வல்லமை படைத்தது. எங்களை மிரட்டும் நாடுகளிடம் அமைதி காக்கிறோம். இது அண்டைய நாட்டின்பால் கொண்டுள்ள அன்பை காட்டுகிறது. அணு ஆயுதங்களை காட்டி யாரும் மிரட்ட முடியாது “ என்று பேசினார்.

முன்னதாக, ஐ.என்.எஸ். அரிஹாந்த் நீர்மூழ்கிக் கப்பல் ஊழியர்களை வரவேற்ற பிரதமர் மோடி, தன் முதல் வெள்ளோட்டத்தை முடித்து வெற்றிகரமாக முடித்துக் கொண்டு திரும்பிய அரிஹாந்த்திற்கு மகிழ்ச்சியையும் வாழ்த்தையும் தெரிவித்தார்.

You may have missed