சென்னை: வழக்கறிஞர் மற்றும் மனித உரிமை ஆர்வலர் காயத்ரி காந்தடாய் சென்னை நகர போலீஸ் கமிஷனர் ஏ.கே.விஸ்வநாதன், பத்திரிகையாளர் சந்திப்பில் தனது பேஸ்புக் சுயவிவரத்தை பகிரங்கமாக காட்சிப்படுத்தியதையும், ‘பாகிஸ்தான் தொடர்பு’ என்று குற்றம் சாட்டியதையும் சாடினார்.
1ம் தேதியன்று குடியுரிமை (திருத்த) சட்டத்திற்கு எதிரான கோலம் போராட்டத்தின் ஒரு பகுதியாக காயத்ரி இருந்தார், அதைத் தொடர்ந்து அவர் மேலும் 5 பேர் மற்றும் அவர்களது வழக்கறிஞர்கள் ஆகியோர் போலீசாரால் காவலில் வைக்கப்பட்டனர்.
அமைதியான போராட்டக்காரர்களை காவலில் வைத்ததற்காக சென்னை காவல்துறையினர் மீது கண்டனம் தெரிவிக்கப்பட்ட நிலையில், எதிர்ப்புக்கள் மாநிலம் முழுவதும் பரவலாக எழுந்தன.
இருப்பினும், 1ம் தேதி 2019 ஆம் ஆண்டில் சென்னை காவல்துறையின் செயல்திறன் பற்றிய விவரங்களை வழங்குவதற்கான ஒரு பத்திரிகையாளர் சந்திப்பில், நகர போலீஸ் கமிஷனர் ஏ.கே.விஸ்வநாதன் காயத்ரி காந்தடாயின் பேஸ்புக் சுயவிவரத்தின் ஸ்கிரீன் ஷாட்களைக் காட்டினார், மேலும் அவர் ‘பைட்ஸ் ஃபார் ஆல்‘ என்ற ஒரு பாகிஸ்தான் நிறுவனத்தில் தன்னை ஒரு ஆராய்ச்சியாளராக இணைத்துக்கொண்டிருப்பதாக்க் கூறினார்.
மதுரையில், 2ம் தேதி நடந்த ஒரு செய்தியாளர் கூட்டத்தில் பேசிய காயத்ரி ‘பைட் ஃபார் ஆல்‘ உட்பட பல அமைப்புகளால் வெளியிடப்பட்ட தனது ஆராய்ச்சி விவரங்களை அனைவருக்கும் காட்டினார்.
‘டெஸ்கிரேட்டிங் எக்ஸ்பிரஷன்’ என்ற தலைப்பில், டிசம்பர் 2016 தேதியிட்ட அந்த ஆராய்ச்சி அறிக்கை பங்களாதேஷ், இந்தியா, இந்தோனேசியா, மலேசியா, மாலத்தீவு, மியான்மர், பாகிஸ்தான், இலங்கை மற்றும் வியட்நாம் உள்ளிட்ட நாடுகளில் பாலியல் மற்றும் மத சிறுபான்மையினரை துன்புறுத்தியதை விவரிக்கிறது.