என்னிடம் பணமிருந்தால் என் மகள் இறந்திருக்க மாட்டாள் : சபாநாயகரிடம் உன்னாவ் பெண்ணின் தந்தை கதறல்

ன்னாவ்

ன்னாவ் பெண்ணின் தந்தை தம்மிடம் பணம் இருந்திருந்தால் தன் மகள் இறந்திருக்க மாட்டார் என உ பி சபாநாயகரிடம் கூறி உள்ளார்.

உன்னாவ் தொகுதி ச்ட்டப்பேரவை உறுப்பினர்

உத்திரப் பிரதேச மாநிலத்தில் பெண்கள் மீதான வன்முறை, பலாத்காரம் போன்ற குற்றங்கள் பெருகி வருகிறது.   அதே வேளையில் இவ்வாறு பாதிக்கப்படும் பெண்கள் அநேகமாக ஏழ்மை நிலையில் உள்ளனர்.  அதனால் அவர்களுக்கு நீதி கிடைப்பது இல்லை என அம்மாநில மக்கள் தொடர்ந்து கூறி வருகின்றனர்.

கடந்த வருடம் உன்னாவ்  பகுதியைச் சேர்ந்த ஒரு பெண் ஐவரால் பலாத்காரம் செய்யப்பட்டதை அடுத்து அவர் காவல்துறையிடம் புகார் அளித்தார்.   அவருடைய புகாரை ஏற்றுக் கொள்ளவே அவர் கடும் போராட்டம் நடத்த நேர்ந்தது.   இந்த வழக்கில் கைது செய்யப்பட்ட ஐவரில் இருவர் ஜாமீனில் வெளி வந்தனர்.

இந்த வழக்கு விசாரணைக்காக நேற்று முன் தினம் காலை அந்தப் பெண் ரேபரேலி நீதிமன்றத்துக்கு சென்றுக் கொண்டிருந்த போது அவரை ஜாமீனில் வெளி வந்த இருவரும் தங்கள் கூட்டாளிகளுடன் சேர்ந்து கடத்திச் சென்று பெட்ரோல் ஊற்றி எரித்து விட்டு ஓடி விட்டன.  அந்த பெண்  டில்லி மருத்துவமனையில் நேற்று இரவு மரணம் அடைந்தார்.

ஐதராபாத்தில் நான்கு பேரால் பலாத்காரம் செய்யப்பட்ட பெண் மருத்துவர் ஒருவர் எரித்துக் கொல்லப்பட்டார்.   அந்த குற்றவாளிகள் தப்பிச் செல்ல முயன்ற போது காவல்துறையினர் என்கவுண்டர் செய்து அந்த குற்றவாளிகளைக் கொன்றனர்  இது குறித்து உன்னாவ் பெண்ணின் தந்தை தனது மகளைக் கொன்றவர்களையும் எனகவுண்டர் செய்வதைத் தாம் காண வேண்டும் எஅன் தெரிவித்துள்ளார்.

உன்னாவ் தொகுதியின் சட்டப்பேரவை உறுப்பினரும் சபாநாயகருமான இருதய நாராயண தீட்சித் இடம் கொலை செய்யப்பட்ட பெண்ணின் தந்தை, “என்னிடம் பணம் இருந்தால் அதை நான் அரசியல்வாதிகள் மற்றும் காவல்துறையினரிடம் வீசி எறிந்து என் மகளைக் காப்பாற்றி இருப்பேன்.   என் மகள் உயிருடன் இருந்திருப்பாள்” என தெரிவித்துக் கதறி உள்ளார்.   இது பார்ப்பவர் நெஞ்சை உருக்குவதாக இருந்தது.

1 thought on “என்னிடம் பணமிருந்தால் என் மகள் இறந்திருக்க மாட்டாள் : சபாநாயகரிடம் உன்னாவ் பெண்ணின் தந்தை கதறல்

  1.  * பெண் மருத்துவர் நால்வரால் பாலியல் பலாத்காரத்துக்குட்பட்டு இறுதியில் எரித்து கொடூரமாக உயிரிழந்திருக்கிறார் , எந்த பெண்ணுக்கும் இப்படி ஒரு நிலை வரக்கூடாது என்று சொல்லிக்கொண்டிருக்கும்போதே உத்திர பிரதேசத்தில் ஒரு பெண்ணுக்கு இதே நிலை ஏற்பட்டிருக்கிறது , அந்த பெண் எவ்வளவாய் துடித்திருப்பார் , இதுவெல்லாம் மிகவும் கொடூரம் , இதில் சட்டம் கடுமையாக நடவடிக்கை எடுக்கலாம் , இனி மற்றவர்கள் இப்படி துணிகரமான பாவங்களை செய்யாதபடி பார்க்கவேண்டும் , முன்னால் உள்ள காலங்கள் போன்று இப்போது உள்ள காலங்கள் இல்லை , இந்த நவீன உலகில் மனிதனின் மன நிலை ஈவு இரக்கமில்லாமல் கற்பாறை போன்று மாறிக்கொண்டிருக்கிறது , இந்நாட்களில் ஒருவன் தீய , பாவ , கொடும் செயல்களில் ஈடுபட பல காரணங்கள் இருந்தாலும் , மது அருந்துவதாலும் , போதை பொருட்களுக்கு உட்படுவதாலும் ,ஆபாசங்கள் வலை தளங்கள் மூலமாகவும் , கைபேசி மூலமாகவும் எளிதில் கிடைப்பதாலும் ,மற்றும் இந்நாட்களில் தொலைக்காட்சிகள் மூலமாக , சினிமாக்கள் மூலமாகவும் அநேக தீய காரியங்களும் விதைக்கப்படுகின்றன , இப்படி அநேக விதத்தில் தீயவைகள் அவனை சூழ்ந்து கொள்கிறது முடிவு என்னவாகும் ? தீமையே மிஞ்சும் , அதுதான் நடந்து கொண்டிருக்கிறது , 

    டெல்லி நிர்பயா சம்பவத்தில் ஈடுபட்டவர்களும் மது அருந்தியிருந்தது குறிப்பிடத்தக்கது , அதுபோல தெலுங்கானா பெண்  மருத்துவர் சம்பவத்தில் ஈடுபட்டவர்களும் மதுவை வைத்திருந்தது குறிப்பிடத்தக்கது  மேலும் ,பீகார் முதல்வர் ஆபாசங்கள் மூலமாக சீரழிவுகள் ஏற்படுவதாக சொல்லியிருப்பது குறிப்பிடத்தக்கது , அமெரிக்க புலனாய்வு துறை ஆய்வறிக்கையில் இந்தியாவில் அதிக அளவில் ஆபாசங்கள் பார்க்கப்படுகிறதாக கூறியிருக்கிறது , அதிலும் 18 வயதுக்குட்பட்டவர்கள் அதிக அளவில் பார்க்கிறார்கள் , இன்று அனைவர் கையிலும் செல்போன் உள்ளது , ஆபாசங்களை பதிவேற்றுவோர் மீது நல்ல நடவடிக்கை எடுக்கலாம் , அல்லது இந்தியாவுக்குள் ஆபாசங்களை அனுமதிக்காதவாறு கட்டுப்பாடு கொண்டு வரலாம் , எல்லாம் நன்மைக்கே ! 

Comments are closed.