சென்னையில் அதிகரித்து வரும் கொரோனா… மாநகராட்சி ஆணையர் பிரகாஷ் அதிரடி தகவல்…

சென்னை:

தமிழகத்திலேயே சென்னையில் தான் கொரோனா பரவல் தீவிரமடைந்து வரும் நிலையில், நோய் தடுப்பு நடவடிக்கை குறித்து, பல்வேறு அதிரடி தகவல்களை அவிழ்த்து விட்டுள்ளார் மாநகராட்சி ஆணையாளர் பிரகாஷ்.

சென்னையில் நேற்று  (24ந்தேதி) ஒரே நாளில் 1,654 பேருக்கு கொரோனா தொற்று உறுதியானதால், தொற்று பாதிக்கப்பட்டோர் மொத்த எண்ணிக்கை  45,814 ஆக உயர்ந்துள்ளது. சென்னையில் கொரோனா சிகிச்சை பெற்று 6வந்தவர்களில் இதுவரை 26,472 பேர் வீடு திரும்பியுள்ளனர். மேலும், 18,673 பேர் மருத்துவமனையில் சிகிச்சை பெற்று வருகின்றனர். சென்னையில் மட்டும் பலி எண்ணிக்கை 668 ஆக உயர்ந்துள்ளது. சென்னையில் உள்ள 15 மண்டலங்களில் 12 மண்டலங்களில் நோய் தொற்று ஆயிரத்தை கடந்துள்ளது.

இந்த நிலையில், இன்று செய்தியாளர்களை சந்தித்த சென்னை மாநகராட்சி ஆணையாளர் பிரகாஷ் பல்வேறு தகவல்களை தெரிவித்து உள்ளார்.

அதன்படி,

சென்னையில் வீடு வீடாக சென்று மக்கள் உடல்நிலையை ஆய்வு செய்வது தொடர்கிறது.

நாளொன்றுக்கு 3,500 நபர்களுக்கு மருத்துவ பரிசோதனை செய்யப்படுகிறது

கொரோனா தொற்று இருப்பவர்கள் கண்டறியப்பட்டு சிகிச்சை அளிக்கப்படுகிறது