2வது டி20 போட்டியில் 71 ரன்கள் வித்தியாசத்தில் வெற்றிப்பெற்ற இந்திய அணி தொடரை 2-0 என கைப்பற்றியது

மேற்கு இந்திய தீவுகள் அணிக்கு எதிரான இரண்டாவது டி20 போட்டியில் இந்திய அணி 71 ரன்கள் வித்யாசத்தில் வெற்றி பெற்றது. மேலும் 3 போட்டிகள் கொண்ட டி20 தொடரை 2-0 என்ற கணக்கில் இந்திய அணி கைப்பற்றியது.

india

இந்தியா -மேற்கு இந்திய தீவுகள் அணிகள் மோதிய இரண்டாவது டி20 போட்டி லக்னோவில் உள்ள அடல் பிகாரி வாஜ்பாய் மைதானத்தில் இன்று நடைபெற்றது. இதில் டாஸ் வென்ற மேற்கு இந்திய தீவுகள் அணி முதலில் பந்து வீச்சை தோ்வு செய்தது. அதன்படி முதலில் பேட்டிங் செய்த இந்திய அணி அதிரடியான ஆட்டத்தை வெளிப்படுத்தியது.

இந்திய அணியின் கேப்டன் ரோகித் ஷா்மா சிறப்பாக ஆடி 61 பந்துகளில் 111 ரன்கள் குவித்து இறுதி வரை ஆட்டம் இழக்காமல் இருந்தாா். இந்தப் போட்டியில் சதம் அடித்ததன் மூலம் டி20 போட்டிகளில் அதிக (4) சதம் அடித்த முதல் வீரா் என்ற பெருமையை பெற்றாா். இந்திய அணி 20 ஓவா்கள் முடிவில் 2 விக்கெட்டுகளை இழந்து 195 ரன்கள் சோ்த்தது.

இதையடுத்து, 196 ரன்கள் எடுத்தால் வெற்றி என்ற நிலையில் களம் இறங்கிய மேற்கு இந்திய தீவுகள் அணி களமிறங்கியது. அந்த அணியின் வீரா்கள் இந்திய அணியினரின் பந்து வீச்சை தாக்குப்பிடிக்க முடியாமல் அடுத்தடுத்து ஆட்டம் இழந்தனா். விக்கெட்டுகள் மளமளவென சரிந்த நிலையில் அந்த அணியின் தோல்வி தவிா்க்க முடியாததானது.

20 ஓவா்கள் முடிவில் மேற்கு இந்திய தீவுகள் அணி 9 விக்கெட் இழப்புக்கு 124 ரன்கள் மட்டுமே சோ்த்தது. இதனால் இந்திய அணி 71 ரன்கள் வித்தியாசத்தில் இந்த போட்டியில் வெற்றி பெற்றது. மேலும்ம் தொடர்ந்து 2 போட்டிகளில் வெற்றி பெற்றதை அடுத்து 3 போட்டிகள் கொண்ட தொடரை 2-0 என்ற கணக்கில் இந்திய அணி கைப்பற்றியுள்ளது.

மேற்கு இந்திய தீவுகள் அணியை பொறுத்த வகையில் பிரவோ 23 ரன்களும், கீமோ பவுள் 20 ரன்களும் சோ்த்தனா். இந்திய அணியை பொறுத்தளவில் புவனேஷ்வா் குமாா் மிகுந்த கட்டுப்பாடுகளுடன் பந்து வீசி எதிரணியினரை திணரடித்தாா்.

புவனேஷ்வா் 4 ஓவா்கள் பந்து வீசிய நிலையில் 12 ரன்களை மட்டுமே விட்டுக் கொடுத்து 2 விக்கெட்டுகளை கைப்பற்றினாா். இதே போன்று கலீல் அகமது, பும்ரா, குல்தீப் யாதவ் தலா 2 விக்கெட்டுகளை கைப்பற்றினா்.