கொரோனா: பிரபல இருதயநோய் நிபுணர் மெஹ்ரா & டேட்டா நிபுணர் தேசாய் – HCQ ஆய்வு மோசடியின் பின்னணியில் இந்திய நிபுணர்கள்

மகாராஷ்டிராவில் உள்ள மருத்துவக் கல்லூரியில் பட்டம் பெற்ற மந்தீப் ஆர். மெஹ்ரா இப்போது ஹார்வர்டில் பேராசிரியராக உள்ளார். சப்பன் எஸ். தேசாய் அவர்கள் “ Surgisphere” என்ற டேட்டா அனாலிசிஸ்  நிறுவனத்தை நிறுவி நடத்தி வந்தவர்.

அமெரிக்காவைச் சேர்ந்த புகழ்பெற்ற இதய நிபுணரான மந்தீப் மெஹ்ரா, தனது சொந்த ஒப்புதலால், பல வருடங்களாக மனிதகுலம் எதிர்கொண்டுள்ள மிகப்பெரிய மருத்துவ நெருக்கடிகளில் ஒன்றைத் தீர்ப்பதற்கான ஆராய்ச்சிகளை செய்வதில் ஆர்வமாக இருந்தார். ஆனால், அதற்கு பதிலாக, அவர் சமீபத்திய ஆண்டுகளில் மிகப்பெரிய மருத்துவ ஆராய்ச்சி முறைகேட்டில் ஈடுபட்டு குற்றம் சாட்டப்பட்டுள்ளார். மெஹ்ரா ஒரு இந்திய வம்சாவளியைச் சேர்ந்த மேற்குறிப்பிட்ட குற்றச்சாட்டில் சிக்கியுள்ள இருவரில் ஒருவர். இவர்களின் இரு ஆய்வுகள் ஒரு மணி நேரத்திற்குள் அடுத்தடுத்து திரும்பப் பெறப்பட்டுள்ளன. இந்த இருவரின் மற்றொருவர் அமெரிக்காவைச் சேர்ந்த வாஸ்குலர் அறுவை சிகிச்சை நிபுணரான சப்பன் தேசாய் ஆவார், இவர் சுர்கிஸ்பெர் என்ற சிறிய உடல் நலன் பராமரிப்பு டேட்டா பகுப்பாய்வு நிறுவனத்தை நிறுவி நடத்தி வந்தார். மோசமானவை என விவரிக்கப்பட்டுள்ள பல டேட்டாக்களின் கீழ் இவ்விருவரும் பொதுவாக செயல்பட்டுள்ளது கண்டறியப்பட்டுள்ளது. தற்போது திரும்ப பெறப்பட்டுள்ள இரு ஆய்வுகளும், புகழ்பெற்ற இதழ்களான “தி லான்செட்” மற்றும் “தி நியூ இங்கிலாந்து ஜர்னல் ஆஃப் மெடிசினில்” வெளியிடப்பட்டன. அவற்றில் ஒன்று, உலகின் கவனத்தை சிறப்பாக ஈர்த்திருந்த, கோவிட் -19 க்கான சிகிச்சையாக பரிந்துரைக்கப்பட்ட  மலேரிய எதிர்ப்பு மருந்தான ஹைட்ராக்ஸி குளோரோகுயின் (HCQ) மருந்து, அதை உட்கொள்ளாதவர்களை விட, உட்கொண்ட நோயாளிகளிடையே அதிக இறப்புகளை ஏற்படுத்துகிறது என்பதாகும். 96,000 நோயாளிகளில் நடத்தப்பட்ட இந்த ஆய்வு, உலக சுகாதார நிறுவனம் இந்த மருந்தின் மீதான ஆய்வுகளையும், நோயாளிகளுக்கு பரிந்துரைப்பதையும் உலக அளவில் தடை செய்ய காரணமாக இருந்தது.

இந்த ஆய்வு பல விஞ்ஞானிகள் மூலம் மதிப்பாய்வு செய்யப்பட்டு, அதன் பெரும் எண்ணிக்கையில் நோயாளிகளிடம் சோதிக்கப்பட்டதாக கூறியிருந்ததால், மிகவும் நம்பகமானது என்று அறிவிக்கப்பட்டது.  இதை அடிப்படையாக வைத்தே, உலக சுகாதார அமைப்பு (WHO) HCQ மீதான ஆய்வுகளையும், பரிந்துரைகளையும் நிறுத்தி வைத்தது. (இந்த முடிவு தற்போது திரும்பப் பெறப்பட்டுள்ளது). ஆனால் விரைவில் அவர்களின் ஆய்வுகளின் மீது பல சந்தேகங்களும் கேள்விகளும் எழுந்தது. அவர்களின் ஆய்வு முடிவுகள் பலராலும் தவறு என நிரூபிக்கப்பட்டது. ஒரு கட்டத்திற்கு பின் அவர்களால் கேள்விகளுக்கு பதிலளிக்க இயலவில்லை. இறுதியாக, இந்த ஆய்வுகளில் பங்கு கொண்ட நான்கு விஞ்ஞானிகளில், மூவரால் இந்த ஆய்வு திரும்ப பெறப்பட்டதாக அறிவிக்கப்பட்டுள்ளது. அதே மூலத்திலிருந்து பெற்ற டேட்டாவை  அடிப்படையாகக் கொண்ட மற்றொரு ஆய்வு, தேசாயின் “ Surgisphere”, மற்றும் மெஹ்ரா ஆகியோரால் மேற்கொள்ளப்பட்திருந்தது. தற்போது அதுவும் திரும்ப பெறப்பட்டுள்ளது. திரு. தேசாய், அவர்கள் தனது டேட்டா சேகரிப்பு அற்றும் ஆய்வு முறைக்கு ஆதரவாக பேசி வந்தாலும், ஆய்வு திரும்ப பெற்றதின் பின் தொடர்ந்து மவுனம் காத்து வருகிறார். ஆனால், மெஹ்ரா நிபந்தனையற்ற மன்னிப்பு கோரியுள்ளார்.

“மிகுந்த நெருக்கடியான மற்றும் தேவைப்படும் நேரத்தில் இந்த ஆராய்ச்சி மூலம் ஏதேனும் பங்களிப்பேன் என்ற எனது நம்பிக்கையின் காரணமாக, எனது டேட்டாவின் மூலங்களை பொருத்தமானது என்பதை உறுதிப்படுத்த தவறிவிட்டேன். போதுமான முயற்சிகளை  செய்யவில்லை என்பது இப்போது எனக்குத் தெளிவாகத் தெரிகிறது,” என்று அவர் தி பிரின்ட்டுக்கு அனுப்பியிருந்த மின்னஞ்சலில் தெரிவித்தார். “அதற்காகவும், அனைத்து இடையூறுகளுக்கும் – நேரடியாகவும் மறைமுகமாகவும் – நான் உண்மையிலேயே வருந்துகிறேன்.”

இரண்டு ஆய்வுகள்

தேசாய் மற்றும் மெஹ்ராவைத் தவிர, லான்செட் ஆய்வை சுவிட்சர்லாந்தின் பல்கலைக்கழக இதயநோய் மையம், யுனிவர்சிட்டி மருத்துவமனை, பிராங்க் ருசிட்ச்கா மற்றும் உட்டா பல்கலைக்கழகத்தின் பயோமெடிக்கல் இன்ஜினியரிங் துறையின் அமித் என். படேல் மற்றும் அமெரிக்காவின் எச்.சி.ஏ ஆராய்ச்சி நிறுவனம் மற்றும் மற்றொரு இந்திய வம்சாவளி ஆய்வாளர் ஆகியோர் எழுதியுள்ளனர். கோவிட் -19 நோயாளிகளில் இரத்த அழுத்த மருந்துகளின் தாக்கம் குறித்து ஆராய்ந்த  தி நியூ இங்கிலாந்து ஜர்னல் ஆஃப் மெடிசின் ஆய்வின்  டெக்சாஸின் பேய்லர் காலேஜ் ஆஃப் மெடிசினை சேர்ந்த ஸ்ரேராம் குய், கிறிஸ்ட் மருத்துவமனையின் திமோதி டி. ஹென்றி, ஓஹியோ, மற்றும் படேல் ஆகியோரைக் கொண்ட ஆசிரியர்களும் “ Surgisphere”- லிருந்து டேட்டாவைப் பெற்றுள்ளனர்.

கடந்த வாரம், தி லான்செட் மற்றும் NEJM இரண்டு ஆய்வுகள் தொடர்பாக ஒரு “கவலையை” வெளியிட்டன. நூற்றுக்கும் மேற்பட்ட விஞ்ஞானிகள், தி லான்செட்டின் ஆசிரியருக்கு எழுதியுள்ள ஒரு வெளிப்படையான கடிதத்தில், பயன்படுத்தப்பட்ட டேட்டாக்களைப்  பற்றிய கேள்விகளை எழுப்பியதால், HCQ ஆய்வின் உண்மைத்தன்மை பற்றிய சர்ச்சை உச்சக்கட்டத்தை அடைந்தது. எனவே, ஆய்வின் மற்ற மூன்று ஆசிரியர்களும் மறு ஆய்வுக்கு “ Surgisphere”-ரிடம் கேட்டிருந்தனர். மேலும் ஒரு தனிப்பட்ட தணிக்கையாளரையும் பணியில் அமர்த்தினர். இதை மெஹ்ரா தனது அறிக்கையில் உறுதிப்படுத்தியுள்ளார்.

“ஜூன் 3 ம் தேதி, (தணிக்கையாளர்கள்) இந்த தணிக்கை நடத்துவதற்குத் தேவையான டேட்டாவை, வாடிக்கையாளருடன் மேற்கொண்ட ஒப்பந்தம் மற்றும் டேட்டாவின் இரகசியத்தன்மைக் கருதி அளிக்கமுடியாது என்று “ Surgisphere” மறுத்து விட்டதாக தணிக்கையாளர்கள் புகார் தெரிவித்தனர். இறுதியாக, தேட்டாவைச் சரிபார்க்க முடியாமல் போனதால், மெஹ்ரா இரு இதழ்களிலும் வெளியான ஆய்வுகளைத் திரும்பப் பெற்றுக் கொண்டார்.

மகாராஷ்டிராவிலிருந்து மாசசூசெட்ஸ் வரை

மந்தீப் ஆர். மெஹ்ரா மிகவும் புகழ் பெற்ற மருத்துவர்களில் ஒருவர். மகாராஷ்டிராவின் சேவகிராமில் உள்ள மகாத்மா காந்தி மருத்துவ அறிவியல் நிறுவனத்தின் 1983 ஆம் ஆண்டின் பழைய மாணவரான இவர் தற்போது ஹார்வர்ட் மருத்துவப் பள்ளியில் பேராசிரியராக உள்ளார், மேலும், அமெரிக்காவின் பாஸ்டனில் உள்ள ப்ரிகாம் மற்றும் மகளிர் மருத்துவமனை இதய மற்றும் வாஸ்குலர் மையத்தில் மருத்துவ இயக்குநராக பணியாற்றுகிறார். மேம்பட்ட இதய செயலிழப்பு, இயந்திர சுற்றோட்ட ஆடேட்டா மற்றும் இருதய மாற்று அறுவை சிகிச்சை ஆகியவை அவரது கல்வி சிறப்புகள் ஆகும். மேலும், 400-க்கும் மேற்பட்ட ஆராய்ச்சி முடிவுகளை வெளியிட்டு பெருமைக்குரிய இடத்தில் இருப்பவர். ஓஹியோவின் கொலம்பஸில் உள்ள மவுண்ட் கார்மல் மருத்துவ மையத்தில் உள் மருத்துவத்தில் ஒரு பட்டம் பெற்றவர் ஆவார். அதைத் தொடர்ந்து, அவர் நியூ ஆர்லியன்ஸ், கல்ச்சர் மற்றும் பார்டி பரடைஸ்க்கு குடிபெயர்ந்தார், அங்கு அவர் ஓச்ஸ்னர் கிளினிக் அறக்கட்டளை மருத்துவமனையில் பணியாற்றினார். இங்கே, தற்போது  இதய செயலிழப்பு மற்றும் மாற்று அறுவை சிகிச்சையின் தலைவராகவும், இருதயவியல் துணைத் தலைவராகவும் ஆனார். அவரது சக பணியாளர்கள் அவரை மெஹ்ரா தனது துறையின் நட்சத்திரமாகவும், ஆழ்ந்த புத்திசாலித்தனம் கொண்டவர் என்று வர்ணிக்கின்றனர்.

டாக்டர் ஹெக்டர் வென்ச்சுரா, மெஹ்ராவுடன் பணியாற்றியவர் மற்றும் அவரை 25 ஆண்டுகளாக அறிந்தவர். அவர் “ஒரு சிறந்த மருத்துவர் மட்டுமல்ல, ஒரு சிறந்த ஆராய்ச்சியாளரும் கூட” என்றார். “அவர் எங்களில்முதல் இதய செயலிழப்பு மற்றும் ஓச்ஸ்னரில் இதய மாற்று பயிற்சி பெற்றவர். அவர் எனக்கு கிடைத்த மிகச் சிறந்த சக மனிதர் ”என்று மருத்துவமனையின் இருதய மற்றும் இதய மாற்று பிரிவின் தலைவர் வென்ச்சுரா கூறினார். மெஹ்ராவுடன் 50 க்கும் மேற்பட்ட கட்டுரைகளை எழுதியுள்ள வென்ச்சுரா, “எனக்குத் தெரிந்த மிக புத்திசாலி நபர்” என்றார். “எங்கள் வாழ்க்கை முழுவதும் பல பாடங்களைப் பற்றி அவருடன் நீண்ட உரையாடலை மேற்கொண்டுள்ளேன். அவர் ஒரு சிறந்த நபர் மற்றும் மருத்துவரும் ஆவார். மேலும் திறமைமிக்கவர்.” என்று அவர் மேலும் கூறினார். மருத்துவமனையில் இருந்த காலத்திலிருந்தே மெஹ்ராவின் சக ஊழியர்களில் ஒருவரான டாக்டர் சிப் லாவி அவரை இந்த துறையில் “பிரகாசமானவர்” என்று விவரித்தார்.

2012 ஆம் ஆண்டில், மெஹ்ரா ஹார்வர்ட் மருத்துவப் பள்ளியில் பேராசிரியராக நியமிக்கப்பட்டார், அங்கு அவர் மேம்பட்ட இருதய மருத்துவத்தில் வில்லியம் ஹார்வி சிறப்புத் தலைவராக ஆனார். 2008-2009 ஆம் ஆண்டில் டெக்சாஸை தலைமையிடமாகக் கொண்ட ஒரு தொழில்முறை அமைப்பான இதயம் மற்றும் நுரையீரல் மாற்று அறுவை சிகிச்சைக்கான சர்வதேச சங்கத்தின் தலைவராகவும் மெஹ்ரா பணியாற்றினார். மகாத்மா காந்தி இன்ஸ்டிடியூட் ஆப் மெடிக்கல் சயின்ஸின் வலைத்தளத்தின்படி, மெஹ்ரா “உடல் பருமன் முரண்பாட்டை” வரையறுப்பதில் முக்கிய பங்கு வகித்துள்ளார் – இது அதிக எடையுடன் இருப்பது ஆரோக்கியமானதாக இருக்கலாம் – இதய செயலிழப்பு என்று கூறும் ஒரு ஆய்வு. இதயம் மற்றும் நுரையீரல் மாற்று அறுவை சிகிச்சையின் அதிகாரப்பூர்வ வெளியீடான இதயம் மற்றும் நுரையீரல் மாற்று அறுவை சிகிச்சையின் தற்போதைய தலைமை ஆசிரியராக மெஹ்ரா உள்ளார்.

சர்ச்சைக்குரிய ஆய்வுகளுக்காக மன்னிப்பு கோரியது, அவரது சகாக்களுக்கு, அவரது நேர்மைக்கு மற்றொரு சான்றாக அமைந்து விட்டது.  மெஹ்ரா எப்போதுமே “மிக உயர்ந்த நெறிமுறை மற்றும் தொழில்முறை வழிகாட்டுதல்களின்படி எனது ஆராய்ச்சியை மேற்கொண்டேன்” என்றார். “எவ்வாறாயினும், உயர் தரத்தை கடைபிடிக்கும் டேட்டா மூலங்களை ஆய்வாளர்களாகிய நாங்கள் நம்பியிருப்பதை ஒருபோதும் மறுக்க முடியாது,” என்று அவர் தனது அறிக்கையில் மேலும் கூறினார். “[அவர்] கையெழுத்துப் பிரதியைத் திரும்பப் பெற்றது, அவரது நேர்மையை நிரூபிக்கிறது,” வென்ச்சுரா கூறினார்.

இது தேசாயின் முதல் சர்ச்சை அல்ல

டாக்டர் சப்பன் எஸ். தேசாயின் பெயர், சிகாகோவை மையமாகக் கொண்ட டேட்டா பகுப்பாய்வு நிறுவனமான Surgisphere–ரின் இணையத்தளத்தை நீங்கள் காணும்போது, அவரின் கடந்த காலத்தை அறியமுடிகிறது. ஒரு மருத்துவமனை படுக்கையில் சிரிக்கும் குழந்தையின் புகைப்படத்தைத் தவிர, ஒரு கரடிக்குட்டியைப் பிடித்துக் கொண்டு, தேசாய் ஏன் Surgisphere-ரை நிறுவினார் என்பதை விளக்க உரையின் கூறுவதில் இருந்து சந்தேகங்கள் தோன்ற தொடங்குகின்றன. நிறுவனத்தின் சாராம்சமாக அவர் கூறியுள்ள “…டேட்டா பகுப்பாய்வுகளின் சக்தியைப் பயன்படுத்தவும், முடிந்தவரை பலரின் வாழ்க்கையை மேம்படுத்தவும். ” என்ற வரிகளில் அவர் குறிப்பிட்டுள்ள, டேட்டா பகுப்பாய்வுகளுக்கான அதன் கூறப்பட்ட வலிமை, இப்போது கேள்விக்குள்ளாகியுள்ளது. தேசாயின் தொடக்க காலம் பற்றி இணையம் அதிக தகவல்களை வழங்கவில்லை. இருப்பினும், அவரது மருத்துவ வாழ்க்கையைப் பற்றி அதிகம் கூறப்பட்டுள்ளது.

ஐ.ஹெச்.எஃப் பிரிஸ்பேனுக்கான சிற்றேட்டில் தேசாயின் வாழ்க்கை வரலாறு, 2018 ல் 42 வது உலக மருத்துவமனை காங்கிரஸ், அவர் பேச்சாளராக இருந்தவர் என்றும், அவரை எம்.டி, பி.எச்.டி மற்றும் எம்பிஏ என அடையாளப்படுத்துகிறது. அவரது சுயவிவரத்தின்படி, அவரது நிறுவனம், “உலகெங்கிலும் நூற்றுக்கணக்கான வாடிக்கையாளர்களைக் கொண்ட சுகாதார டேட்டா பகுப்பாய்வு நிறுவனம்” ஆகும். தெற்கு இல்லினாய்ஸ் பல்கலைக்கழகம் போன்ற அமெரிக்க ஃபெசிலிட்டிகளில் தேசாய் பல மருத்துவ தலைமைப் பாத்திரங்களை வகித்ததாக நம்பப்படுகிறது. ஆனால் அவர் சர்ச்சைகளிலும் குறிப்பிடும்படியான பங்களிப்பை செய்து வந்திருக்கிறார். தி கார்டியன் பத்திரிகையின் ஒரு அறிக்கையின்படி, அவர் அமெரிக்காவில் மூன்று மருத்துவ முறைகேடு வழக்குகளில் தொடர்புடையவராக உள்ளார். அவற்றில் இரண்டு நவம்பர் 2019 வரை சமீபத்தியவை.

ஒரு வழக்கில், அவரும் இல்லினாய்ஸில் உள்ள வடமேற்கு கம்யூனிடி மருத்துவமனையும் “கவனக்குறைவு மற்றும் அலட்சியம்” என்று குற்றம் சாட்டப்பட்டு, அறுவை சிகிச்சையைத் தொடர்ந்து செய்ய நிரந்தர தடை விதிக்கப்பட்டுள்ளது.  “தனிப்பட்ட காரணங்களுக்காக” தேசாய் 2020 பிப்ரவரி 10 அன்று மருத்துவமனையில் இருந்து விலகினார். எவ்வாறாயினும், ஒரு பேட்டியில் இந்த குற்றச்சாட்டை மறுத்து, “ஆதாரமற்றது” என்று கூறியுள்ளார். பாடநூல்களை வெளியிடும் மருத்துவக் கல்வி நிறுவனமாக தேசாய் 2008 இல் Surgisphere-ரை நிறுவினார். டேட்டா பகுப்பாய்வு நிறுவனமாக வெளிப்படையாக தெரிந்த போதிலும், தி கார்டியன் நடத்திய விசாரணையில், அதன் ஊழியர்களுக்கு விஞ்ஞான அல்லது புள்ளிவிவர பின்னணி இல்லை என்பதைக் கண்டறிந்தது. ஆனால் மூலோபாயம், நகல் எழுதுதல், தலைமைத்துவம் மற்றும் கையகப்படுத்தல் ஆகியவற்றில் நிபுணத்துவத்தைக் கொண்டிருந்ததாக குறிப்பிடுகிறது.

தனது அறிக்கையில், டாக்டர் சப்பன் தேசாய் மற்றும் Surgisphere-ருக்கு அறிமுகப்படுத்தப்பட்டதாக மெஹ்ரா கூறினார், இது “இந்த நிறுவனம் உலகெங்கிலும் உள்ள மருத்துவமனைகளில் இருந்து டேட்டாக்களைக் கொண்டிருப்பதாகக் கூறப்படுகிறது. எனவே, இது கோவிட் -19 தொற்றுநோய்க்கு தீர்வளிக்கும் முக்கியமான கேள்விகளுக்கு பதிலளிக்க முடியும்” என்று நம்பியதாக கூறியுள்ளார். ஆய்வுகள் திரும்பப் பெறப்படுவதற்கு சில நாட்களுக்கு முன், பல்வேறு நாடுகளில் இருக்கும், டஜன் கணக்கான மருத்துவமனைகளில் இருந்து டன் கணக்கான டேட்டாகளை எப்படி தனது ஒரு சிறிய குழுவை வைத்துக் கையாளுகிறார் எனபது பற்றிய கேள்விகளுக்கு பதிலளிக்க வேண்டிய கட்டாயத்தில் இருந்தார். (NEJM ஆய்வுக்கு 169, தி லான்செட் ஆய்வின் விஷயத்தில் 600 க்கும் மேற்பட்டவை). தி கார்டியன் பத்திரிகைக்கு அளித்த பேட்டியில், Surgisphere டேட்டாகளை சேகரிக்க செயற்கை நுண்ணறிவு மற்றும் இயந்திர கற்றலை பெருமளவில் பயன்படுத்துவதாக கூறியிருந்தார்.

ப்ளூம்பெர்க்கிற்கு அளித்த பேட்டியில் அவர் கூற்றுக்களை மீண்டும் வலியுறுத்தினார். “இந்த டேட்டாபேஸின்  தன்மையைப் புரிந்துகொள்வது முக்கியம்,” என்று அவர் கூறினார். “முதல் ஒரிஜினல் டேட்டாக்ளுக்கு நாங்கள் பொறுப்பல்ல. ஆனால், ஈ.எச்.ஆர் (எலக்ட்ரானிக் ஹெல்த் ரெக்கார்ட்) இலிருந்து டேட்டாவை பெறுவது, எங்களின் நிறுவன அமைப்புகள் மற்றும் அகராதிக்கு ஏற்றவாறு மாற்றுவது மற்றும் டேட்டாவை முழுமையாக அடையாளம் காண்பதற்கும் தேவையான உழைப்பு ஆஹியவை எங்களது மருத்துவமனை பங்குதாரர்களால் செய்யப்படுகிறது என்றார். அதேபோல, Surgisphere மொழிகள் அல்லது குறியீட்டு முறைகளை சரிசெய்யாது.” என்றார். 2011 ஆம் ஆண்டில் டியூக் பல்கலைக்கழகத்தில் அறுவை சிகிச்சை மையத்தில் அவருடன் இருந்த சக பணியாளர், மற்றும் அவருடன் அடிக்கடி இணைந்து பணிபுரிந்த ஆராய்ச்சியாளருக்கும் மின்னஞ்சலில் கேள்விகளை அனுப்பி வைத்த அதேநேரத்தில், நாமும் (தி பிரிண்ட்) கருத்துக்களுக்காக தேசாயை அணுகியுள்ளோம்.

அவர்கள் பதிலளிக்கும்போது இந்த அறிக்கை புதுப்பிக்கப்படும்.

ஆங்கிலம்: அங்கனா சக்ரவர்த்தி, அனன்யா பரத்வாஜ் மற்றும் சுனந்தா ரஞ்சன்

தமிழில்: லயா

கார்ட்டூன் கேலரி