ஐபோனை ஹேக் செய்தவர்களுக்கு 50,000 டாலர் பரிசு!!

ஐபோன் X செயல்பாட்டில் உள்ள குறைபாட்டைக் கண்டுபிடித்த இருவருக்கு 50,000 டாலர் பரிசு அளிக்கப்பட்டுள்ளது. ஆனால், குறைப்பாட்டிற்கான தீர்வை ஐபோன் இன்னும் கண்டுபிடிக்கவில்லை என்பது குறிப்பிடத்தக்கது.

iphone

அமெரிக்காவில் நடைபெற்ற ஹேக்கர்களுக்கான போட்டி ஒன்றில் ஐபோன் X மொபைலில் உள்ள குறைபாடு ஒன்றை இரண்டு ஹேக்கர்கள் கண்டுபிடித்துள்ளனர். ஐபோன் X மொபைலில் டெலிட் செய்யப்பட்ட படங்களை எளிதாகத் திருட முடியும் என்பதை இருவரும் நிரூபித்துள்ளனர்.

ரிச்சர்ட் ஜூ மற்றும் அமட் காமா என்ற இருவர் இந்தப் போட்டியில் ஐபோன் போட்டோஸ் அப்ளிகேஷனில் டெலிட் செய்யப்பட்ட படங்களை நொடியில் ஹேக் செய்துக் காட்டினர். டெலிட் செய்யப்படும் படங்கள் உண்மையில் 30 நாட்களுக்கு டெலிட் செய்யப்படாமலே இருக்கின்றன என்றும் அவர்கள் தெரிவித்தனர்.

இந்தப் பிரச்னை ஐபோன் X மொபைலில் உள்ள ஜிட் கம்பைலரில் (JIT compiler) இருக்கிறது. இந்த ஜிட் கம்பைலர் ஒரு அப்ளிகேஷன் வேகமாக செயல்படுவதற்கு பயன்படுவதாகும். ஐபோன் X செயல்பாட்டில் உள்ள இந்த குறைபாட்டைக் கண்டுபிடித்த இருவருக்கும் 50,000 டாலர் பரிசு கிடைத்துள்ளது.

Leave a Reply

Your email address will not be published.