ஐடி ஊழியர்கள் ஜூலை 31 வரை வீட்டிலிருந்து பணியாற்றலாம்: மத்திய அரசு அறிவிப்பு

--

டெல்லி: ஐடி நிறுவன ஊழியர்கள் வீட்டிலிருந்து ஜூலை 31 வரை வேலை செய்யலாம் என்று மத்திய அரசு அறிவித்துள்ளது.

தகவல் தொழில்நுட்ப மற்றும் தொலைத் தொடர்புத் துறை அமைச்சர் ரவிசங்கர் பிரசாத் அனைத்து மாநிலங்களிலிருந்தும் தகவல் தொழில்நுட்ப அமைச்சர்களுடன் ஒரு சந்திப்பை நடத்தினார். அதில் அவர் இந்த முடிவை தெரிவித்தார்.

அவர் மேலும் கூறியதாவது: அது தொடர்பாக ஏற்கனவே இருந்த விதிமுறைகள் தொடரும். ஐடி நிறுவனங்கள் ஆரம்பத்தில் இதுபற்றி தெளிவாக இல்லாமல் இருந்தன. அதுவும் அவர்களுக்கு தேவையான அனுமதிகள் இல்லாததால் தங்கள் ஊழியர்களை வீட்டிலிருந்து வேலைக்கு பணிக்க முடியவில்லை.

நிலைமைகளில் ஏற்பட்ட மாற்றத்தை கருத்தில் கொண்டு, சிறந்த இணைய வசதிகளை வழங்க, அதனை வலுப்படுத்த நடவடிக்கை எடுக்கப்படும். தகவல் தொழில்நுட்பத் துறை மட்டுமல்ல, அனைத்து மாநிலங்களும் தொடக்க மற்றும் ஆராய்ச்சிகளை வளர்ப்பதற்கு முக்கியத்துவம் கொடுக்க வேண்டும்.

கோவிட் 19 க்கு பிறகு கிட்டத்தட்ட அனைத்து துறைகளின் பணிகளும் மாறி விட்டன. கிட்டத்தட்ட 80 சதவீத தொழில் வல்லுநர்கள் வீட்டிலிருந்து வேலை செய்கிறார்கள். கிட்டத்தட்ட எல்லா வேலைகளும் ஆன்லைனில் செய்யப்படுகின்றன. அதற்கான இணைய சேவைகள் பலப்படுத்தப்படும்.

வீட்டிலிருந்து வேலை செய்வதற்கான விதிமுறைகளையும் நான் தளர்த்தியுள்ளேன். அது ஏப்ரல் 30ம் தேதியுடன் முடிவடையும், அதை ஜூலை 31 வரை நீட்டித்துள்ளேன் என்று கூறினார்.