இளவரசி பட்டத்தை துறந்து சாமானியரை மணந்த ஜப்பான் இளவரசி!

ஜப்பானிய மன்னர் அகிஹிடோவின் பேத்தியும் இளவரசியுமான அய்கோ இளவரசி பட்டத்தை துறந்து, தனது சாமானிய காதலரான கெய் குமுரோவை இன்று மணந்தார்.

jappan

ஜப்பான் இளவரசர் ஃபுமி‌ஹிதோவின் மூத்த மகள் இளவரசி அய்கோ(28). இவர் கடந்த 2013ஆம் ஆண்டு டோக்கியோ பல்கலைக்கழகத்தில் படித்தபோது அவருக்கும், அங்கு சட்ட ஆலோசகராக பணியாற்றிய கெய் குமுரோவுக்கும் இடையே காதல் மலர்ந்தது.

இவர்களது காதலுக்கு இரு வீட்டாரும் சம்மதம் தெரிவித்த நிலையில், அய்கோ-குமுரோவின் திருமணம் குறித்த அதிகாரப்பூர்வ அறிவிப்பு கடந்த ஆண்டு வெளியானது. அத்துடன் நிச்சயதார்த்தமும் நடந்து முடிந்தது. ஆனால் சில காரணங்களுக்காக இவர்களது திருமணம் 2020 ஆம் ஆண்டுக்கு ஒத்தி வைக்கப்படுவதாக செய்திகள் வெளியாகின.

Princess

இந்நிலையில், அக்டோபர் 29ஆம் தேதி அய்கோ-குமுரோ திருமணம் நடைபெறும் என்று அறிவிக்கப்பட்டு அதற்கான ஏற்பாடுகள் நடைபெற்று வந்தன. ஜப்பான் சட்டத்தைப் பொறுத்தவரை அரசர் குடும்பத்தைச் சேர்ந்த பெண்கள் சாமானியர்களை மணந்தால் அவர்கள் அரசர் குடும்பத்திலிருந்து வெளியேற வேண்டும். அதன்படி காதலுக்காக தன்னுடைய இளவரசி பட்டத்தை துறந்த அய்கோ, தனது சாமானிய காதலாரான கெய் கொமூரோவை இன்று கரம்பிடித்தார். அரச குடும்ப உறுப்பினர்களுக்கு முன் இவர்களது திருமணம் எளிமையாக நடந்தது.