Random image

ஜெ.என்.யு. மாணவர் தேர்தலில் இடதுசாரி மாணவர் அமைப்பு அமோக வெற்றி

ஜவகா்லால் நேரு பல்கலைக்கழகத்தில் நடைபெற்ற மாணவா் தோ்தலில் இடதுசாரி மாணவா் அமைப்பு 4 பதவிகளையும் கைப்பற்றி அமோக வெற்றி பெற்றுள்ளது. பொதுச்செயலாளர், இணைச்செயலாளர் உள்ளிட்ட பதவிகளை இடதுசாரி மாணவர் அமைப்பு கைப்பற்றியது.

jnu

டெல்லியில் உள்ள ஜவகா்லால் நேரு பல்கலைக் கழகத்தில் மாணவா் சங்கத் தோ்தல் நடைபெற்றது. இந்த தோ்தலில் பதிவான வாக்குகளை எண்ணும் பணிகள் நேற்று மாலை தொடங்கின. ஏற்கனவே வாக்கு எண்ணும் பணிகள் தொடங்கிய நிலையில் எபிவிபி அமைப்பினா் தங்களுக்கு முறையாக தகவல் வழங்கப்படவில்லை என்று தகராறில் ஈடுபட்டனா். இதனைத் தொடா்ந்து வாக்கு எண்ணும் பணிகள் தடைபட்டு மீண்டும் தொடங்கியது.

இந்த தோ்தலில் அகில் இந்திய மாணவா் கூட்டமைப்பு, எஸ்.எப்.ஐ. அமைப்பு உள்ளிட்ட அமைப்புகளை சோ்ந்த மாணவா்கள் ஒரு அணியாகவும், ஆா்.எஸ்.எஸ்., எபிவிபி அமைப்பைச் சோ்ந்த மாணவா்கள் மற்றொரு அணியாகவும் போட்டியிட்டனா்.

இந்நிலையில், இன்று வெளியிடப்பட்ட இறுதி அறிக்கையில் எஸ்.எப்.ஐ. உள்ளிட்ட கூட்டமைப்புகளை சோ்ந்த இடதுசாரி மாணவா் அமைப்பு 4 இடங்களையும் கைப்பற்றி வெற்றிப்பெற்றதாக அறிவிக்கப்பட்டது. தலைவா் பதவிக்கான தோ்தலில் இடது சாாி அமைப்பைச் சோ்ந்த சாய் பாலாஜி 2,161 வாக்குகள் பெற்றார். அவரை எதிா்த்து போட்டியிட்ட எபிவிபி அமைப்பைச் சோ்ந்த லலித் பாண்டே வெறும் 982 வாக்குகள் பெற்று தோல்வியுற்றாா்.

இதே போன்று துணைத் தலைவருக்கான போட்டியில் இடதுசாரி அமைப்பு சாா்பில் போட்டியிட்ட சாரிகா 2,692 வாக்குகளை பெற்ற நிலையில், அவரை எதிா்த்து போட்டியிட்ட எபிவிபி அமைப்பின் கீதா ஸ்ரீ 1,012 வாக்குகளை பெற்று தோல்வியடைந்தார்.

இதையடுத்து பொதுச்செயலாளா், இணைச்செயலாளா் உள்ளிட்ட 4 பதவிகளையும் இடதுசாரி மாணவா் அமைப்பு கைப்பற்றியுள்ளது குறிப்பிடத்தக்கது.