ராமேஸ்வரம்:
ராமேஸ்வரத்தில் உள்ள அப்துல் கலாம் பயின்ற பள்ளிக்கு செல்லும் திட்டத்தை நடிகர் கமல் ரத்து செய்தார்.
நடிகர் கமல்ஹாசன், இன்று புதிய கட்சியை, துவக்குகிறார். மதுரையில், இன்று இரவு நடைபெறும் பொதுக்கூட்டத்தில், தன் கட்சியின் பெயரையும், கொடியையும், கமல் அறிவிக்க இருக்கிறார்.
அப்துல் கலாம் நினைவிடத்தில் இருந்து தனது அரசியல் பயணத்தை கமல் இன்று துவக்க இருக்கிறார். இதற்காக அவர் இன்று ராமேஸ்வரத்தில் கலாம் படித்த பள்ளிக்கு இன்று காலை 8.15 மணிக்கு சென்று மாணவர்களுடன் கலந்துரையாட முடிவு செய்திருந்தார். ஆனால் அரசியல் நோக்கத்தோடு பள்ளி மாணவர்களுடன் கலந்துரையாட கூடாது என கூறி இந்து முன்னணி புகார் அளித்தது. இதையடுத்து பள்ளிக்கல்வித்துறை இதற்கு அனுமதி மறுத்தது.
இந்நிலையில் கலாம் படித்த பள்ளிக்கு செல்லும் திட்டத்தை கமல் ரத்து செய்திருக்கிறார்.