#MeToo பாடலை வெளியிடுகிறார் கமல்ஹாசன்!!

பாலியல் கொடுமைகளைச் சித்தரிக்கும் #MeToo இயக்கம் தொடர்பாக பாடல் ஒன்றை நடிகர் கமல்ஹாசன் வெளியிட உள்ளார். ’ அண்ணனென்றேன் ஆசானென்றேன் ’ எனத் தொடங்கும் வீடியோவை இசையமைப்பாளர் ஜிப்ரான் உருவாக்கி உள்ளார்.

metoo

#MeToo இயக்கம் மூலம் பலர் சமூக வலைத்தளங்களில் பாலியல் புகார்களைக் கூறிவருகிறார்கள். சினிமாத்துறையில் தொடங்கி பல துறைகளைச் சேர்ந்தவர்கள் தங்கள் மோசமான அனுபவத்தை வெளியிடுகிறார்கள்.

இந்நிலையில் பாலியல் கொடுமைகளைச் சித்தரிக்கும் #MeToo வீடியோ பாடல் ஒன்றும் வெளியாக் காத்திருக்கிறது. இந்தப் பாடலை வாகை சூடவா, விஸ்வரூபம் 2, உத்தமவில்லன், பாபநாசம், தூங்காவனம், அறம், தீரன் அதிகாரம் ஒன்று, ராட்சசன் ஆகிய படங்களுக்கு இசையமைத்த ஜிப்ரான் உருவாக்கி உள்ளார்.

இவரே #MeToo பாடலுக்கு இசையமைத்து இயக்கவும் செய்திருக்கிறார். அனிமேஷன் காட்சிகளையும் தானே உருவாக்கியுள்ளார். “அண்ணனென்றேன் ஆசானென்றேன், நேசமெல்லாம் வேஷமா, மனிதம் இல்லா மனிதா அசுரா. என் மேல் வைக்கிற கையை எடு. போகும் பாதை எங்கும் எந்தன் கற்பும்கூட குப்பையா.” என்ற வரிகளுடன் இப்பாடல் தொடங்குகிறது.

இந்தப் பாடலை நடிகர் கமல்ஹாசன் இன்று வெளியிட உள்ளார். இது குறித்து இசையமைப்பாளர் ஜிப்ரான் கூறும்போது, ‘‘சமூகத்துக்கு நல்லது செய்யும் நோக்கோடு பாலியல் கொடுமைக்கு எதிரான இந்தத் பாடலை உருவாக்கியுள்ளேன். இந்தப் பாடலில் வரும் அனிமேஷன் காட்சிகளுக்காகவே அனிமேஷன் கற்றுக்கொண்டேன். நிறைய பேர் எனக்கு உதவியுள்ளனர்’’ என்று தெரிவித்துள்ளார்.

Leave a Reply

Your email address will not be published.