சமூக இடைவெளியை கடைபிடிக்க கேரளா அரசின் சூப்பர் ‘ஐடியா’

கொச்சி:
மூக இடைவெளியை கடைபிடிக்க புதிய ஐடியாவை கேரளா அரசு வெளியிட்டுள்ளது.

இதுகுறித்து பேசிய அம்மாநில நிதியமைச்சர் தாமஸ் ஐசக், சமூக இடைவெளியை கடைப்பிடிக்க பொதுமக்கள் குடைகளை பயன்படுத்த வேண்டும் என்றும், குடைகளை விரித்தப்படி பிடித்திருக்கும் போது, மற்றவர்களுக்கும் உங்களுக்கும் இடையே ஒரு மீட்டர் இடைவெளி தானாகவே கிடைத்து விடும் என்று கூறியுள்ளார்.

கேரளா அரசு அதிகாரப்பூர்வமாக வெளியிட்டுள்ள அறிக்கையின் படி, கேரளாவில் இதுவரை 468 பேர் கொரோனாவால் பாதிக்கப்பட்டுள்ளனர் என்றும், இதில் 342 பேர் குணமடைந்து விட்டனர் என்றும் 123 பேர் சிகிச்சை பெற்று வருவதாகவும் குறிப்பிடப்பட்டுள்ளது.

இந்தியாவில் கொரோனா பரவி வருவது அதிகரித்ததை தொடர்ந்து, இதை தடுக்க சமூக இடைவெளியை கடைபிடிக்க வேண்டும் என்றும் மத்திய, மாநில அரசுகள் வலியுறுத்தி வருகின்றன.

இந்நிலையில், அலப்புழாவில் உள்ள தன்னீர்முக்கோம் கிராம பஞ்சாயத்து சமூக இடைவெளியை கடைபிடிக்க, குடை பயன்படுத்துங்கள் என்று ஐடியா வழங்கியுள்ளது. இதை தொடர்ந்து பொதுமக்கள் அனைவரும் குடையை பயன்படுத்த வேண்டும் என்று அதிகாரிகள் கட்டாயப்படுத்த தொடங்கியுள்ளனர்.

பிரேக் தி செயின் குடை திட்டத்தின் ஒரு பகுதியாக உள்ளாட்சி அமைப்பு அதன் குடியிருப்பாளர்களுக்கு குறைந்தது 10,000 குடைகளை விநியோகிக்கும் என்று ஊடக அறிக்கைகள் தெரிவிக்கின்றன.

மேலும், குடைகள் மானிய விலையில் விநியோகிக்கப்படும் என்றும் நிதியமைச்சர் ஐசக் தெரிவித்துள்ளார். மானிய விலையில் கூட குடை வாங்க முடியாதவர்களுக்கு, அவர்கள் ஸ்பான்சர்ஷிப் வழியாக ஒன்றைப் பெறலாம் என்று உள்ளூர் செய்திகள் தெரிவிக்கின்றன.

கொரோனா தாக்கம் அதிகரித்துள்ளதை அடுத்து, அறிவிக்கப்பட்டுள்ள மூன்று ஹாட்ஸ்பாட்களில் தானீர்முக்கோம் பகுதியும் ஒன்றாகும். தற்போது, ​​கோட்டத்தைச் சேர்ந்த சட்டண்ணுராண்ட் மற்றும் சாஸ்தம்கோட்டா மற்றும் கோட்டயத்தில் உள்ள மனர்காட் ஆகிய பகுதிகளும் இந்த பட்டியலில் சேர்க்கப்பட்ட பின்னர் மாநிலத்தில் ஹாட்ஸ்பாட்களின் எண்ணிக்கை 87-ஆக அதிகரித்துள்ளது.

இதற்கிடையில், 11 புதிய கொரோனா நோயாளிகளுடன், கேரளாவின் மொத்த கொரோனா வைரஸ் நோயாளிகளின் எண்ணிக்கை 468-ஆக அதிகரித்துள்ளது. மேலும் கொரோனாவால் உயிரிழந்தவர்களின் எண்ணிக்கை 4-ஆகவும் மாறியது. அதே நேரத்தில் 342 நோயாளிகள் கொரோனா பாதிப்பில் இருந்து குணமடைந்து உள்ளதாகவும், மாநில சுகாதார அலுவலகம் தெரிவித்துள்ளது.