‘பிக் பாஸ் 3’ நிகழ்ச்சியில் தான் கலந்துகொள்வதாக வெளியான செய்தி வெறும் வதந்தி எனத் தெரிவித்துள்ளார் லைலா.
விஜய் தொலைக்காட்சியில் அடுத்த மாதம் ஒளிபரப்பாகவுள்ள ‘பிக் பாஸ் 3’ நிகழ்ச்சியில், லைலா கலந்து கொள்கிறார் என வெளியாகின செய்தியை மறுத்துள்ளார் லைலா . இந்த நிகழ்ச்சியை, இம்முறையும் கமல்ஹாசனே தொகுத்து வழங்குகிறார்.
நடிகை சாந்தினி தமிழரசன், நடிகர் மற்றும் ஆர்.ஜே.வான ரமேஷ் திலக் ஆகியோர் ‘பிக் பாஸ் 3’-ல் கலந்துகொள்ள இருப்பதாக செய்திகள் வெளியானது. ரமேஷ் திலக் அந்தச் செய்தியை மறுக்க, சாந்தினி மட்டும் ‘பேச்சுவார்த்தை நடைபெற்றுக் கொண்டிருக்கிறது’ எனத் தெரிவித்துள்ளார்.