புதுடெல்லி:
கொரோனா வைரஸ் பரவல் காரணமாக ஊரடங்கு நீடிக்கப்பட்டுள்ள நிலையில், நாடு முழுவதும் 250 சுமார் எட்டு லட்சம் லிட்டர் பீர்-கள் பெரிய இழப்பை சந்தித்து வருவதாக தொழில் வல்லுநர்கள் தெரிவிக்கின்றனர்.
இது மட்டுமல்லாமல், 700 கோடி ரூபாய் மதிப்புள்ள இந்திய தயாரிக்கப்பட்ட வெளிநாட்டு மதுபானவகைகள் டெல்லி தவிர வட மாநிலங்களில் தேங்கியுள்ளதாகவும், புதிய நிதியாண்டின் தொடக்கத்தில், விற்பனையாளர்களுக்கு அந்தந்த மாநில அரசுகளின் அனுமதி தேவை என்பது குறிப்பிடத்தக்கது. ஊரடங்கு கட்டுபாடுகள் காரணமாக இந்த மதுபானங்கள் விற்பனை செய்ய முடியாத நிலை ஏற்பட்டுள்ளது.
இதுகுறித்து மதுபான ஆலோசகர் இஷான் குரோவர் தெரிவிக்கையில்,, பாட்டில் பீர் போலல்லாமல், புதிய பீர் அல்லது கிராஃப்ட் பீர் ஆகியவற்றுக்கு ஆயுள் மிகவும் குறைவு என்று கூறினார்.
குர்கானில் பல மதுபான உற்பத்தியாளர்கள் பீர் புதியதாக வைத்திருக்க ஒரு குறிப்பிட்ட வெப்பநிலையை பராமரிக்க மின்சாரம் தேவைப்படுவதால் பீர், தயாரிப்பதை நிறுத்த தொடங்கியுள்ளனர் என்றும் அவர் தெரிவித்தார்.
கிராஃப்ட் ப்ரூவர்ஸ் அசோசியேஷன் ஆஃப் இந்தியா நிறுவனம் வெளியிட்டுள்ள அறிக்கையின் படி, நாடு தழுவிய ஊரடங்கு காரணமாக சுமார் எட்டு லட்சம் லிட்டர் புதிய பீர் சேமித்து வைக்கப்பட்டிருக்கும் அனைத்து ஆலைகளும் மூடப்பட்டுள்ளன, இதற்கு ஆரம்பத்திலேயே தீர்வு காணப்படாவிட்டால், லட்சம் லிட்டர் காய்ச்சிய பீர் விற்பனை செய்யமுடியாத நிலை ஏற்படும் என்று கூறியுள்ளது.
இந்நிலையில் மத்திய அரசு ஊரடங்கை மேலும் இரண்டு வாரங்களுக்கு நீட்டித்துள்ளதால், பீர் தயாரிப்பாளர்கள் உதவியுடன் மைக்ரோ ப்ரூவரிகளை எடுத்துச் செல்ல வசதி செய்ய அனுமதிக்க வேண்டும் என்று அந்த சங்கம் கோரிக்கை விடுத்துள்ளது. சமீபத்திய ஊரடங்கில் இருந்து பல தளர்வுகள் வழங்கப்பட்டுள்ளன, ஆனால் பீர் பார்கள் மற்றும் கிளப்புகளுக்கு எந்தவிதமான தளர்வு வழங்கப்படவில்லை.
பீர் தயாரிப்பாளர்கள், தயாரித்து வைக்கப்பட்டுள்ள பீர் பாட்டில்களை எடுத்துச் செல்ல அனுமதிக்கப்பட வேண்டும். இதை எடுத்து செல்லும் போது சமூக இடைவெளியை கண்டிப்பாக பின்பற்ற அறிவுறுத்தப்படும் என்றும் மகாராஷ்டிரா கிராஃப்ட் ப்ரூவர்ஸ் அசோசியேஷன் ஆஃப் இந்தியன் தலைவர் நகுல் போன்ஸ்லே செய்தியாளர்களிடம் தெரிவித்தார்.
பெங்களூரில் ப்ரூபப் டோயிட்டை நடத்தி வரும் சிபி வெங்கடராஜு தெரிவிக்கையில், இந்திய மதுபான உற்பத்தியாளர்கள் சங்கத்தின் தேசிய அதிகாரி தெரிவித்துள்ளது போன்று நாட்டில் 250 மைக்ரோ ப்ரூவரிகள் உள்ளன, இந்த பீர் தயாரிக்கும் தொழிற்சாலைகள் சுமார் 50,000 பேருக்கு வேலைவாய்ப்பை வழங்குகின்றன என்று கூறினார்.
ஊரடங்கு அமலுக்கு வந்த மார்ச் 25 முதல் பீர் ஆலைகள் மூடப்பட்டுவிட்டதாக உள்ளன. டெல்லி தவிர வட மாநிலங்களில் ஊரடங்கு காரணமாக சுமார் 1.2 மில்லியன் ஐ.எம்.எஃப்.எல் பெட்டிகள் வட மாநிலங்களில் தேங்கியிருப்பதாக மதிப்பிட்டுள்ளது என்று இந்திய ஆல்கஹால் பானம் நிறுவனங்களின் கூட்டமைப்பு (சி.ஐ.பி.சி) பொது இயக்குனர் வினோத் கிரி தெரிவித்தார்.
உள்துறை அமைச்சகம் வெளியிட்டுள்ள சமீபத்திய ஊரடங்கு வழிகாட்டுதல்களின்படி, கடையில் ஒரே நேரத்தில் ஐந்து நபர்களுக்கு மிகாமல் குறைந்தபட்சம் ஆறு அடி சமூக தூரத்தை உறுதிசெய்த பின்னர் இன்று முதல் மதுபானம், பான் மற்றும் புகையிலை விற்பனைக்கு அனுமதிக்கப்படும் என்றும், இந்த கடைகள் நகர்ப்புறங்களில் உள்ள சந்தைகள் மற்றும் மால்களில் இருக்கக்கூடாது என்றும் தெரிவிக்கப்பட்டுள்ளது.