சென்னையில் அடுத்த 2நாட்கள் லேசான மழைக்கு வாய்ப்பு!

--

சென்னை:

டந்த சில நாட்களாக அவ்வப்போது மழை பெய்து சென்னை மக்களை குளிர்வித்து வரும் நிலையில் மேலும் இரண்டு நாட்களுக்கு லேசான மழை பெய்யக்கூடும் என்று வானிலை மையம் தெரிவித்து உள்ளது.

தமிழகத்தில் சென்னை உள்பட பல இடங்கள் மேகமூட்டங்களுடன் குளிர் ந்த நிலையே காணப்படும் என்றும் கூறி உள்ளது. வெப்பச்சலனம் உருவாவதால் வரும் நாட்களில் நகரத்தில் ஓரிரு லேசான மழை பெய்யும் என்று எதிர்பார்க்கப்படுகிறது. இருப்பினும், மழை குறிப்பிடத்தக்கதாக இருக்கப்போவதில்லை, இருப்பினும் மேகமூட்டம் பகல் வெப்பநிலையைக் குறைக்கும்.

சில நாட்கள் இடைவெளிக்குப் பிறகு, நேற்று (ஞாயிற்றுக்கிழமை) சென்னை  நகரின் சில பகுதிகளில் ‘சுமாராக  மழை பெய்தது. காலையில் மேகங்கள் உருவாகத் தொடங்கி மாலை நோக்கி தீவிரமடைந்தது.  இந்த நிலையில் மேலும் மேலும் 2 நாட்கள் லேசான மழைக்கு வாய்ப்பு இருப்பதாக தெரிவித்துள்ளது.

ஜூன் 1 முதல் எதிர்பார்க்கப்பட்ட 193.1 மி.மீ.க்கு ஒப்பிடும்போது நகரத்தில் 247.7 மி.மீ மழை பெய்துள்ளது. இது இந்த பருவத்தில் 28% உபரி என்றும் வானிலைமை மையம் கூறி உள்ளது.

இதுகுறித்து தெரிவித்துள்ள வெதர்மேன் பிரதீப் ஜான், மேற்கில்‘ ஆல்டோ குமுலஸ் மேகங்கள் ’உருவாகி வருவதால், தமிழகத்தின்  “எல்லா இடங்களிலும் மழை பெய்யாது, ஆனால் நிச்சயமாக நகரத்திலும் புறநகர்ப்பகுதிகளிலும் சில இடங்களில் மழை பெய்யும்.  இன்று, நாளை மற்றும் நாளை மறுநாள் மழைக்கு வாய்ப்பு உள்ளது என்று தெரிவித்து உள்ளார்.