உலகநாயகன் பிறந்தநாளில் இந்தியன்-2 அறிவிப்பை வெளியிட்டது லைகா!!

நடிகர் கமல்ஹாசனின் 64வது பிறந்தநாளை முன்னிட்டு, லைகா நிறுவனம் இந்தியன்-2 படத்தின் அதிகாரப்பூர்வ அறிவிப்பை வெளியிட்டுள்ளது.

மக்கள் நீதி மய்யம் கட்சியின் தலைவரும், நடிகருமான கமல்ஹாசன் தனது 64வது பிறந்தநாளைக் கொண்டாடுகிறார். இதையடுத்து, லைகா நிறுவனம் அவரின் ‘இந்தியன்-2’ பட அறிவிப்பை வெளியிட்டுள்ளது.

indian

பிக்பாஸ் நிகழ்ச்சியின் முதல் சீசனில் நடிகர் கமல்ஹாசன், இயக்குநர் ஷங்கர் மற்றும் தெலுங்கு பட தயாரிப்பாளர் தில் ராஜூ ஆகியோர் ‘இந்தியன் 2’ படம் குறித்த அதிகாரப்பூர்வ அறிவிப்பை வெளியிட்டனர். பின்னர் விஸ்வரூபம் படத்தில் கமலும், 2.0 படத்தில் ஷங்கரும் பிசியாக இருந்ததால் இந்தப்படத்தின் பணிகள் சற்று காலதாமதமாகியது.

இதனிடையே, படத்தின் தயாரிபபாளரான தில் ராஜூ இப்படத்திலிருந்து வெளியேறுவதாக அறிவித்தார். இதனால், இந்தியன்2 படத்தை இயக்குவதில் மேலும் சிக்கல் ஏற்பட்டது. அதன்பிறகு, லைகா நிறுவனம் இப்படத்தை தயாரிப்பதாக அறிவிக்கப்பட்டது.

இந்நிலையில், கமலின் 64 வது பிறந்தநாளை முன்னிட்டு, லைகா நிறுவனம் இந்தியன்-2 படத்தின் அதிகாரப்பூர்வ வீடியோ ஒன்றை வெளியிட்டுள்ளது. அதில், இந்தியன் கிளைமேக்ஸ் காட்சிக்குப் பின் இந்தியன் 2 டைட்டில் கார்டு காட்டப்படுகிறது.

இது ஒருபுறம் இருக்க, ஷங்கரின் பிரம்மாண்ட 2.0 படத்தை தயாரித்த லைகா நிறுவனம், மீண்டும் ஷங்கரோடு மற்றொரு பிரம்மாண்ட படைப்பை உருவாக்க உள்ளது குறிப்பிடத்தக்கது.

Leave a Reply

Your email address will not be published.