மாஸ்டர் படத்தின் வெற்றியை தொடர்ந்து விஜயின் அடுத்த படம் குறித்த எதிர்பார்ப்பு அதிகரித்தள்ளது.
சன் பிக்சர்ஸ் தயாரிப்பில் நெல்சன் திலீப்குமார் இயக்கத்தில் விஜய் நடித்துவரும் இந்த ‘தளபதி 65 ‘ படத்தில் பூஜா ஹெக்டே அல்லது ராஷ்மிகா மந்தனா நடிக்க அதிக வாய்ப்பு உள்ளதாக கூறப்படுகிறது.
விடிவி கணேஷ், யோகி பாபு, குக் வித் கோமாளி போட்டியாளர் புகழ் ஆகியோரும் இப்படத்தில் நடிக்க உள்ளனர். தளபதி 65 படத்திற்கு அனிருத் இசை அமைக்க உள்ளார். விஜயுடன் 3வது முறையாக அனிருத் பணியாற்ற உள்ளார். கேஜிஎப் படத்தில் பணியாற்றிய அன்பறிவு இரட்டையர்கள் ஸ்டன்ட் அமைக்க உள்ளனர்.
இந்த நிலையில் தளபதி 65 படத்தின் ஒளிப்பதிவாளர் மனோஜ் பரமஹம்சா தமது ட்விட்டர் பக்கத்தில் ஒரு பதிவினை பதிவிட்டுள்ளார். அதில், “இந்த அருமையான மனிதநேயமிக்க ஒட்டுமொத்த மாநில மக்களும் விரும்பக்கூடிய மனிதர் விரைவில் நாடு முழுவதும் விரும்பக்கூடியவராக ஆவார்.
தளபதி 65 இந்தியா முழுவதும் செல்லவிருக்கிறது. நண்பன் படத்தில் எந்த இடத்தில் விட்டோமோ, அந்த நினைவுகளுடன் விஜய்யுடன் இணைந்து பணிபுரிகிறேன். கெட் ரெடி போக்ஸ்!” என குறிப்பிட்டுள்ளார்.
Excited to start yet another journey with this wonderful human being loved by the entrie state and very soon by the entire nation !…. looking forward to work from where we left #nanban kindleing the memory lane #thlapathy65 going to be an pan india affair ! Get ready folks … pic.twitter.com/QLoDNPovio
— manoj paramahamsa (@manojdft) February 25, 2021