Random image

நவம்பர் 29 ஆம் தேதி ரிலீஸாகிறது ‘மார்க்கெட் ராஜா எம்.பி.பி.எஸ்’….!

காதல் மன்னன்’, ‘அமர்க்களம்’, ‘ஜெமினி’, ‘வசூல் ராஜா எம்.பி.பி.எஸ்’ உள்ளிட்ட பல வெற்றிப் படங்களை கொடுத்திருக்கும் இயக்குநர் சரண், நீண்ட இடைவெளிக்குப் பிறகு இயக்கியிருக்கும் படம் ‘மார்க்கெட் ராஜா எம்.பி.பி.எஸ்’.

பிக் பாஸ் ஆரவ் ஹீரோவாக நடித்திருக்கும் இப்படத்தில் காவ்யா தப்பார் ஹீரோயினாக நடித்துள்ளார். இவர்களுடன் ராதிகா, நாசர், ரோகிணி உள்ளிட்ட பலர் முக்கிய வேடங்களில் நடித்திருக்கிறார்கள்.

சுரபி பிலிம்ஸ் சார்பில் எஸ்.மோகன் தயாரித்திருக்கும் இப்படத்திற்கு கே.வி.குகன் ஒளிப்பதிவு செய்ய, சைமன் கே.கிங் இசையமைத்திருக்கிறார்.

இப்படத்தின் டிரைலர் மற்றும் பாடல்கள் பெரிய வரவேற்பு பெற்றிருக்கும் நிலையில், படம் வரும் நவம்பர் 29 ஆம் தேதி உலகம் முழுவதும் வெளியாகிறது. இது குறித்து அறிவிக்கும் பத்திரிகையாளர் சந்திப்பு சமீபத்தில் நடைபெற்றது. இதில் படக்குழுவினர் அனைவரும் கலந்துக் கொண்டார்கள்.