மெக்சிகோ: பதவி ஏற்ற 10 நாட்களில் உயிரிழந்த பெண் கவர்னர்!

மெக்சிகோவில் நிகழ்ந்த ஹெலிகாப்டர் விபத்தில் பியூப்லா மாநிலத்தின் பெண் கவர்னர் மார்த்தா எரிக்கா உயிரிழந்தார்.

mecxico

மெக்சிகோ நாட்டின் பியூப்லா மாநில கவர்னராக கடந்த 14ம் தேதி மார்த்தா எரிக்கா அலோன்சோ பதவி ஏற்றார். இவர் பழமைவாத தேசிய செயல் கட்சியின் முக்கிய தலைவராக இருந்து வந்தார்.

இந்நிலையில் மார்த்தா தனது கனவர் ரபேல் மொரினோவுடன் இணைந்து நேற்று ஹெலிகாப்டரில் பயண மேற்கொண்டார். அப்போது அவர்கள் சென்ற ஹெலிகாப்டர் எதிர்பாராதவிதமக கீழே விழுந்து நொறுங்கியது. ஹெலிகாப்டரின் தலைப்பகுதி நொறுங்கியதால் மார்த்தா மற்றும் அவரது கணவர் சம்பவ இடத்திலேயே உயிரிழந்தனர்.

ஹெலிகாப்டரை இயக்கிய பைலட் குறித்த விபரம் தெரிவிக்கப்படவில்லை. எனினும் விபத்திற்கான காரணம் குறித்து விசாரணை நடைபெற்று வருகிறது. மார்த்தா மற்றும அவரது கனவர் மறைவிற்கு மெக்சிகோவின் ஜனாதிபதி ஆண்ட்ரஸ் மானுவேல் லோபஸ் இரங்கல் தெரிவித்துள்ளர்.

பியூப்லா மாநிலத்தின் கவர்னராக பதவிஏற்ற பத்தே நாட்களில் மார்த்தா உயிரிழந்தது அப்பகுதியில் சோகத்தை ஏற்படுத்தியுள்ளது.