கொரோனா வைரஸ் ஆற்றலை இழந்துவிட்டது: இத்தாலி மருத்துவர்கள் தகவல்

ரோம்: கொரோனா வைரஸ் தமது ஆற்றலை இழந்துவிட்டதாக இத்தாலி மருத்துவர்கள் கூறி உள்ளனர்.

இத்தாலியில் பிப்ரவரி 21ம் தேதி கொரோனா பரவியதில் இருந்து 33,415 பேர் இறந்துள்ளனர். இறப்புகள் எண்ணிக்கையில் இத்தாலி உலகின் 3வது மிக அதிகமான இறப்பு எண்ணிக்கையைக் கொண்டுள்ளது. இது 233,019 என்ற உலகளாவிய பட்டியலில் ஆறாவது இடத்தில் உள்ளது.

வைரசின் ஆற்றல் இழந்துவிட்டது என்பதை குறைவான மரணங்கள் வழியே அதை உறுதி செய்துள்ளதாக இத்தாலியின் மூத்த மருத்துவர் ஒருவர் கூறி உள்ளார். உண்மையில், வைரஸ் மருத்துவ ரீதியாக இனி இத்தாலியில் இல்லை என்று மிலனில் உள்ள சான் ரபேல் மருத்துவமனையின் தலைவர் ஆல்பர்டோ ஜாங்ரில்லோ கூறினார்.

மே மாதத்தில் புதிய நோய்த்தொற்றுகள் மற்றும் இறப்புகள் படிப்படியாக வீழ்ச்சியடைந்துள்ளன. ஆனாலும் 2வது அலை தொற்றுகள் வருவது குறித்து சில வல்லுநர்கள் மிகவும் எச்சரிக்கையாக இருக்கிறார்கள். வைரஸ் மறைந்துவிட்டது என்ற ஆய்வறிக்கையை ஆதரிப்பதற்கான விஞ்ஞான சான்றுகள் நிலுவையில் உள்ளன.

அதற்கேற்ப இத்தாலியர்களை அதிக எச்சரிக்கையுடன் தங்கள் சுகாதாரத்தை பராமரிக்க வேண்டும். சமூக விலகலை பின்பற்ற வேண்டும். குழுக்களுடன் இருப்பதை தவிர்க்க வேண்டும். அடிக்கடி கைகளை கழுவி, முக்கவசம் அணியவும் பழகி கொள்ள வேண்டும் என்றார்.