கொரோனா ஊரடங்கிற்கு பின் வெளியாகும் முதல் திரைப்படம் ரோஹித் ஷெட்டியின் ‘கோல்மால் அகைன்’….!

 

கொரோனா ஊரடங்கிற்கு பின் வெளியாகும் முதல் திரைப்படம் என்ற பெயரை, பாலிவுட் இயக்குநர் ரோஹித் ஷெட்டியின் ‘கோல்மால் அகைன்’ திரைப்படம் பெற்றுள்ளது.

நியூஸிலாந்து நாட்டில் கொரோனா தொற்று கட்டுப்படுத்தப்பட்டுள்ளது. எனவே, அங்கு திரையரங்குகள் திறக்கப்படவுள்ளன. 2017-ம் ஆண்டு வெளியான ‘கோல்மால் அகைன்’ படத்தை வெளியிட முடிவு செய்யப்பட்டுள்ளது.

இதுகுறித்து மகிழ்ச்சி தெரிவித்துள்ள இயக்குநர் ரோஹித் ஷெட்டி, ” ‘கோல்மால் அகைன்’ படத்தை நியூஸிலாந்தில் மீண்டும் வெளியிட முடிவு செய்துள்ளனர். இதனால் கோவிட்டுக்குப் பிறகு வெளியாகும் முதல் இந்திப் படம் என்ற பெயரைப் பெற்றுள்ளது. நியூஸிலாந்தில் கரோனா தொற்று இல்லை. ஜூன் 25-ம் தேதி அன்று ‘கோல்மால் அகைன்’ திரைப்படத்துடன் அரங்குகள் திறக்கப்படுகின்றன. ‘என்ன நடந்தாலும், ஆட்டம் தொடர வேண்டும்’ என்று சொன்னது சரிதான்” என்று பகிர்ந்துள்ளார்.