சென்னை: நிவர் புயல் காரணமாக, தமிழகத்தில் நாளை பொதுவிடுமுறையை தமிழகஅரசு அறிவித்து உள்ளது.
நிவர் புயல் காரணமாக கனமழை பெய்யும் என்பதால் நாளை அரசு பொது விடுமுறை விடப்படுவதாகவும், தமிழகம் முழுவதும் நாளை அரசு ஊழியர்களுக்கு விடுமுறை என்றும் அத்தியாவசிய பணிகளில் உள்ள அரசு அலுவலர்கள் மட்டும் நாளை பணிபுரிவார்கள் என்றும் அறிவித்து உள்ளது.
மழை பொழிவை பொறுத்தே செம்பரம்பாக்கம் ஏரியை திறப்பது குறித்த முடிவு எடுக்கப்படும் என்றும், மழை அதிகமாக பெய்தால் உபரி நீரை வெளியேற்ற செம்பரம்பாக்கம் ஏரியை திறந்து தான் ஆக வேண்டும் என்பதையும் சுட்டிக்காட்டியுள்ளது.
புயலால் சாயும் மரங்களை அப்புறப்படுத்த அனைத்து ஏற்பாடுகளும் தயாராக இருப்பதாகவும், பாதிக்கப்பட்ட பகுதிகளில் மக்களை மீட்கவும், உதவவும் ஏற்பாடுகள் தயார் நிலையில் உள்ளதாகவும் தெரிவிக்கப்பட்டு உள்ளது.