சென்னை: அடிப்படை வசதிகள் குறைவால், தமிழகத்தின் முதன்மையான ரயில் நிலையமான சென்னை எம்ஜிஆர் சென்ட்ரல் ரயில் நிலையம், பயணிகளுக்கு கெட்டக் கனவாகும் மோசமான நிலையில் உள்ளது.
சென்னை சென்ட்ரல் என்று இன்றும் பிரபலமாக விளங்கும் புரட்சித் தலைவர் டாக்டர். எம்ஜிஆர் மத்திய ரயில் நிலையம் நாட்டின் பல்வேறு பகுதிகளிலிருந்தும் ஆயிரக்கணக்கான பயணிகளை ஈர்க்கிறது.
மேலும் இது நகரத்தின் முக்கியமான நுழைவாயில்களில் ஒன்றாகும். நாட்டின் பல்வேறு பகுதிகளுக்கு 490 க்கும் மேற்பட்ட நீண்டதூர ரயில்கள் இயங்கும் இந்த ரயில் நிலையம் ஒரு லட்சத்துக்கும் மேற்பட்ட காலடியோசைகளை ஈர்க்கிறது.
தெற்கு ரயில்வே ஒரு பாரம்பரிய கட்டமைப்பான ரயில் நிலையத்தின் முகப்பை பராமரிக்கும் அதே வேளையில், ரயில் நிலையத்திற்குள் இருக்கும் வசதிகள் அதைப் பொய்யாக்குகிறது.
பயணிகள் கூறுகையில், சென்னை ஒரு முக்கியமான மெட்ரோ மற்றும் நிலையம் A1 என பெயரிடப்பட்டிருந்தாலும், அதன் வசதிகள் மெட்ரோ அல்லாத, சில சிறிய நிலையங்களுடன் கூட ஒப்பிடப்பட இயலவில்லை.
பெயர் மாற்றத்தைத் தவிர, ரயில் நிலையம் கடந்த சில ஆண்டுகளில் பெரிய முன்னேற்றங்களைக் காணவில்லை என்று ரயில் நிலையத்தின் வழியாக நுகர்வோர் ஆர்வலரும் வழக்கமாக பயணிப்பவருமான டி.சடகோபன் தெரிவித்தார்.
ஏராளமான பயணிகள் இந்த ரயில் நிலையம் வழியாக பயணிக்கும் சூழலிலும் சரியான கழிப்பறை மற்றும் குளியல் வசதிகள் இல்லாததால் பல நீண்ட தூர பயணிகள் இந்த அடிப்படை வசதிகளுக்காக நிலையத்திற்கு அருகிலுள்ள விடுதிகளை நாடும் சூழ்நிலைக்குத் தள்ளப்படுகின்றனர்.
பயணிகளுக்கு உதவும் அறிவிப்புப் பலகைகளின் பற்றாக்குறை மற்றும் பாதுகாப்பாக செல்ல ஒரு பிரத்யேக பாதசாரி பாதை இல்லாததையும் எடுத்துக்காட்டுகின்றனர். பயணிகள் தங்கள் சாமான்களைக் கொண்டு கணிசமான தூரத்தை மெட்ரோ நிலையத்திற்கு நெரிசலான மற்றும் பராமரிக்கப்படாத பார்க்கிங் இடத்தின் வழியாக செல்ல வேண்டிய கட்டாயத்தில் உள்ளனர்.
பிரத்யேக பார்க்கிங் மற்றும் ஒழுங்குபடுத்தப்பட்ட போக்குவரத்து மையங்கள் இல்லாத நிலையில், டாக்ஸி சேவைகளைத் தேர்ந்தெடுக்கும் பயணிகள், வாகனங்களை கண்டுபிடிப்பதில் பெரும் சவாலை எதிர்கொள்கின்றனர்.
நுழைவாயிலிலும், அனைத்து தளங்களிலும் அதிக எண்ணிக்கையிலான பார்சல் தள்ளுவண்டிகள் இருப்பது பயணிகளின் கோபத்தின் மற்றொரு ஆதாரமாகும்.
ரயில் நிலையத்திற்கு நான்கு சக்கர வாகனங்களைப் பயன்படுத்தும் பயணிகளும் அதிக வாகன நெரிசல் மற்றும் வாகனங்களை நிறுத்த போதுமான இடம் இல்லாததால் கஷ்டங்களை எதிர்கொள்கின்றனர்.
“ரயில் நிலையங்கள் திட்டத்தின் மறுவடிவமைப்பின் கீழ் மத்திய நிலையம் நவீனமயமாக்க உத்தேசிக்கப்பட்டுள்ளது“, என்று தெற்கு ரயில்வேயின் மூத்த அதிகாரி ஒருவர் தெரிவித்தார். “ஆனால் இந்த திட்டம் தற்போது கிடப்பில் உள்ள நிலையில் ரயில்வே துறையே ரயில்வே வாரியம் ஒதுக்கிய நிதியின் அடிப்படையில் வசதிகளை வசதிகளை வழங்குவதாக இருக்கிறது“ என்றும் அவர் தெரிவித்தார்.