சிவானி ஸ்டுடியோஸ் தயாரிப்பில் சுபா செந்தில் வழங்கும் படம், ‘கார்கில்’. இப்படத்தை சிவானி செந்தில் இயக்குகிறார். ஒளிப்பதிவு, கணேஷ் பரமஹம்ஸா. இசை, விக்னேஷ் பாய். இப்படத்தின் பாடல்கள் நேற்று வெளியிடப்பட்டது. தயாரிப்பாளர் கலைப்புலி எஸ். தாணுவெளியிட்டார்.
படம் பற்றி இயக்குனர் சிவானி செந்தில் தெரிவித்ததாவது:
“’தமிழ் சினிமாவில், முதல் முறையாக ஒரே ஒரு நடிகர் மட்டும் திரையில் தோன்றும் படம் இது. சென்னையில் இருந்து பெங்களூரு செல்லும் நாயகன் ராஜாவுக்கு போன்கள் வருகின்றன… எல்லாம் பிரச்சினைக்குரிய போன்கள். அதை எப்படி சமாளிக்கிறார் என்பதுதான் திரைக்கதை. பாடல் காட்சியில் மட்டும் ஹீரோயின் வருவார். மற்றபடி ஒரே நபர்தான் திரையில் தோன்றுவார். நாயகனாக ஜிஷ்னு நடித்துள்ளார்” என்று தெரிவித்தார்.